नाडा अटोमोबाइल्स एशोसिएशन अफ नेपालको ५०औँ स्वर्ण उत्सवको उपलक्ष्यमा मोरङ अटोमोबाइल डिलर्स एशोसिएशन, कोशी प्रदेशको आयोजनामा आफ्नै कार्यालयमा विशेष कार्यक्रम सम्पन्न भएको छ।
कार्यक्रमका प्रमुख अतिथि कोशी प्रदेश ट्राफिक प्रहरी कार्यालयका प्रमुख, प्रहरी उपरीक्षक (SP) दीपक गिरिको प्रमुख आतिथ्यमा नाडा केन्द्रीय कार्यालयबाट प्राप्त ट्राफिक सचेतनासम्बन्धी सामग्री हस्तान्तरण गरिएको थियो।
साथै, अटोमोबाइल व्यवसायी र ट्राफिक प्रहरीबीचको सहकार्य, समन्वय तथा आपसी सम्बन्धलाई अझ प्रभावकारी र सुदृढ बनाउने विषयमा समेत फलदायी छलफल तथा समीक्षा गरिएको थियो।
यस्ता कार्यक्रमहरूले सुरक्षित, व्यवस्थित र जिम्मेवार सडक संस्कृतिको विकासमा महत्वपूर्ण योगदान पुर्याउने विश्वास लिइएको छ।
