उदयपुरको चौदण्डीगढी–४ मा दुई मोटरसाइकल एक–आपसमा ठोक्किँदा एकजनाको मृत्यु भएको छ। जिल्ला प्रहरीका अनुसार मृतक ५८ वर्षीय भक्तराम राई हुन्, जो मोटरसाइकल चालक थिए।
बसाहा–बर्खेडाँडा सडकमा बा९२प ०८९७ र प्र१–०५–००२ प ०५८९ नम्बरका मोटरसाइकल ठोक्किँदा राईको घटनास्थलमै मृत्यु भएको प्रहरीले जनाएको छ।
घटनापछि प्रहरी टोलीले बा९२प ०८९७ का चालक २६ वर्षीय एमन मगर र दुवै मोटरसाइकल नियन्त्रणमा लिएर थप अनुसन्धान जारी राखेको छ।