होन्डाको नयाँ एलिभेट संस्करण आउँदै

होन्डा कम्पनीले भारतमा आफ्नो लोकप्रिय मध्यम आकारको एसयूभी एलिभेट (Elevate) को नयाँ संस्करण सार्वजनिक गर्ने तयारी गरिरहेको छ।

कम्पनीले हालै सामाजिक सञ्जालमार्फत यसको टिजर भिडियो जारी गरेको छ, जसमा “Explorer Edition” भन्ने नाम देखिएको छ।

यस संस्करणमा डिजाइनलाई अझ आकर्षक र दमदार बनाइएको अनुमान गरिएको छ।

हालसम्म कम्पनीले आधिकारिक रूपमा लञ्च मिति घोषणा गरेको छैन, तर रिपोर्टका अनुसार यो नयाँ संस्करण यसै महिना भित्र बजारमा आउने सम्भावना छ।

यसअघि आएको “Apex Edition” पछि यो एलिभेटको दोस्रो विशेष संस्करण हुनेछ।

नयाँ डिजाइन र थप सुविधाका कारण यसको मूल्य अरू मोडेलभन्दा केही बढी हुने अनुमान गरिएको छ।

यो एसयूभी भारतीय बजारमा हुन्डाई क्रेटा, किया सेल्टोस, मारुती ग्रान्ड भिटारा, टोयोटा अर्बन क्रुजर हाइराइडर र टाटा ह्यारियरसँग प्रतिस्पर्धा गर्नेछ।