एम्बार्क अनम्याथले नेपालमा पहिलो पटक स्कूल भित्रै ‘म्याथ म्युसियम’ कार्यक्रम सुरु
एम्बार्क अनम्याथ संस्थाले नेपालमा पहिलो पटक स्कूलमै ‘म्याथ म्युसियम’ कार्यक्रम सुरु गरेको छ।
यो नयाँ पहलले गणितलाई पाठ्यपुस्तकको पानाबाट बाहिर निकालेर व्यावहारिक सिकाइमा लैजान्छ।
यस कार्यक्रमअन्तर्गत विद्यालयहरूलाई गणितीय अवधारणाहरू छुन, निर्माण गर्न र अनुभव गर्न सकिने जीवन्त सिकाइ केन्द्रमा बदलिन्छ।
यसले विद्यार्थीमा जिज्ञासा र नेतृत्व क्षमताको विकास गर्छ।
कार्यक्रमबारे जानकारी दिँदै संस्थाका सह–संस्थापक दिवेश बठिजाले भने, “गणित केवल संख्याको विषय होइन, यो आकार, कथा र सम्भावनाको कुरा हो। जब विद्यार्थीले छुन, बनाउने र बुझ्ने मौका पाउँछन्, उनीहरूले जताततै गणित देख्न थाल्छन्।”
कार्यक्रमको विशेषता:
शिक्षकहरूका लागि नयाँ सिकाइ विधि
विद्यार्थी नेताहरूको चयन र भूमिकाको विस्तार
स्कूलमै अन्तरक्रियात्मक गणित प्रदर्शनी
समुदायलाई समावेश गर्दै उद्घाटन कार्यक्रम
कार्यक्रमपछि पनि एम्बार्क अनम्याथ ले निरन्तर सहयोग गर्नेछ।
लक्ष्य भनेको यो संग्रहालयलाई विद्यालयको स्थायी सिकाइको हिस्सा बनाउने र हरेक विद्यार्थीमा गणितप्रतिको जीवनभरको माया विकास गर्नु हो।