नेपाल अटोमोबाइल एसोसियसन (नासा) र चितवन अटोमोबाइल डिलर्स एसोसियसनले संयुक्त रुपमा बैशाख ५ गते मोटर र्याली हुने छ ।
धार्मिक क्षेत्र देवघाटदेखि खोटाङको फाप्लु – हलेसीसम्म मोटर र्याली हुने भएको छ ।
मोटर स्पोर्ट्स अन्तर्गत पर्ने रेसिङ्ग विधाको टिडिएस र्यालीसहित अटो जिमखाना प्रतियोगिता पनि यो क्रममा सम्पन्न हुने आयोजकहरुले जानकारी दिएका छन् ।
नासा बागमती प्रदेशका अध्यक्षसमेत रहेका चितवन अटोमोबाइल डिलर्स एसोसियसनका अध्यक्ष राजन पियाले टिडिएस र्यालीमा २५ देखि ३० जना ड्राइभर र अटो जिमखाना प्रतियोगितामा १५ देखि २० जना ड्राइभर सहभागि हुने जानकारी दिए ।
विजेतलाई शिल्ड, प्रमाणपत्र र आकर्षक पुरस्कारको व्यवस्था गरेको उनले बताए ।
टाइम (समय), डिस्ट्यान्स (दुरी), र स्पीड (गति) अर्थात टिडिएस र्याली अन्तर्गत गन्तब्यसम्म पुग्नका लागि विभिन्न चेक प्वाइन्टहरु निर्धारण गरी बाटोको प्रकृति हेरेर एभरेज स्पीड तय गरिएको हुन्छ ।
सहभागिमध्ये जो आयोजकहरुले दिएको एभरेज गतिमा समयमै गन्तब्यमा पुग्दछ टिडिएस र्यालीको विजेता उही हुने अध्यक्ष पियाले बताए ।
देवघाटदेखि हलेसीसम्म ३२७ किलो मिटरको दुरीमा टिडिएस र्याली हुने छ ।
