गल्फ लुब्रिकेन्ट र मेकानिक्सहरुसँगको भेटघाट

नेपालमा गल्फ लुब्रिकेन्ट उत्पादन र वितरक नेपाल ल्युब आयल लिमिटेडले सोलाबाङ, रुकुम पश्चिम र श्री नगर अटो भिलेज, सल्यानमा आफ्ना रिटेलर तथा प्राइभेट ग्यारेज मेकानिक्सहरुसँगको भेटघाट तथा छलफल कार्यक्रम सम्पन्न गरेको छ ।

नेपाल ल्युब आयल लिमिटेडले रुकुम पश्चिम र सल्यानका लागि आफ्नो आधिकारिक डिलर मध्यपश्चिम सप्लायर्सको सहकार्यमा सो कार्यक्रम सम्पन्न गरेको हो ।

नेपालका ग्रामीण र शहरी दुवै क्षेत्रमा रहेका रिटेलरहरु तथा प्राइभेट ग्यारेज मेकानिक्सहरुको सल्लाह र सुझाव लिई उनीहरुको सीप विकास गर्ने उद्देश्य अनुरुप सो कार्यक्रम रुकुम पश्चिम र सल्यानमा आयोजना भएको कम्पनीले जनाएको छ ।

सोलाबाङका प्रहरी इन्चार्ज लाल बहादुर रोका र सारदा नगरपालिका १२ का वडा अध्यक्ष सुरेन्द्र बुढाको प्रमुख आतिथ्यतामा सम्पन्न भएको सो कार्यक्रममा बिक्रेता र मेकानिक्सहरुले उत्साजनक रुपमा सहभागिता जनाएका थिए ।

सो कार्यक्रममा रुकुम पश्चिम र सल्यानका २५ जना उत्कृष्ट मेकानिक्सहरुलाई सम्मान पनि गरिएको थियो ।

साथै, नेपाल ल्युब आयल र मध्यपश्चिम सप्लायर्सको सहकार्यमा श्रीनगर अटोभिलेजलाई शुद्ध पिउने पानीको लागि १५ लिटर क्षमताको आरो जडान गरी वडा अध्यक्ष सुरेन्द्र बुढाको हातबाट उदघाटन पनि गरिएको थियो ।

कार्यक्रममा नेपाल ल्युब आयल लिमिटेडका डिलर इन्चार्ज सन्तोष न्यौपानेले गल्फका विभिन्न उत्पादनहरूको बारेमा जानकारी गराएका थिए ।

उनले नेपाल ल्युब आयलको अटोमोबाइलदेखि उद्योगहरूमा प्रयोग हुने सबै सेग्मेंन्ट र ग्रेडका लुब्रिकेन्ट्स, ग्रिजको बारेमा विस्तृतमा जानकारी गराएका थिए ।

त्यस्तै उनले नेपाल ल्युब आयलले बिक्री गरिरहेको ब्याट्रीको बारेमा पनि प्रस्तुतिकरण दिएका थिए ।

फ्युल रिटेल र लुब्रिकेन्टको क्षत्रमा गल्फ विश्वमै परिचित ब्रान्ड हो र यसले अटोमोटिभ देखि इन्डष्ट्रियल सेक्टर सम्मका उत्पादन उपलब्ध गराउँछ ।