नेपालमा तीव्र रूपमा विस्तार भइरहेको विद्युतीय सवारीसाधन (EV) क्षेत्रका लागि महत्वपूर्ण उपलब्धिका रूपमा, JSW MG Motor India को आधिकारिक वितरक GO Automobiles Pvt. Ltd. र E Drive Nepal बीच ५० वटा अत्याधुनिक MG Windsor Commute उपलब्ध गराउने महत्वपूर्ण व्यावसायिक सम्झौता सम्पन्न भएको छ।
यस सम्झौता अन्तर्गत ५० वटा MG Windsor EV मध्ये १६ वटा सवारीसाधन १३ अगस्ट २०२६ मा E Drive Nepal लाई औपचारिक रूपमा हस्तान्तरण गरिएको कम्पनीले जनाएको छ । यो प्रारम्भिक हस्तान्तरणसँगै नेपालमा विद्युतीय सवारीसाधनलाई व्यावसायिक फ्लीटमा समावेश गर्ने दिशामा नयाँ अध्यायको सुरुवात भएको कम्पनीको दाबी छ ।
हरित भविष्यका लागि रणनीतिक साझेदारीबारे ५० वटा MG Windsor EV को खरिदले नेपालको व्यावसायिक क्षेत्रमा विद्युतीय गतिशीलताप्रतिको बढ्दो विश्वासलाई प्रतिबिम्बित गर्ने GO Automobiles Pvt. Ltd. का प्रबन्ध निर्देशक श्री आकाश गोल्छाले बताउनुभयो ।
साथै उहाँले E Drive Nepal सँगको साझेदारी दिगो र अत्याधुनिक सवारी साधनमार्फत नेपाली बजारमा नयाँ पुस्ताको मोबिलिटी समाधान उपलब्ध गराउने दृष्टिकोणसँग पूर्ण रूपमा मिल्ने उल्लेख गर्नुभयो । MG Windsor Commute ले आराम, प्रविधि र दक्षताको उत्कृष्ट संयोजन प्रस्तुत गर्ने भएकाले आधुनिक फ्लीट सञ्चालनका लागि यो एक उपयुक्त विकल्प रहेको पनि गोल्छाले बताउनुभयो।
त्यस्तै, E Drive Nepal का प्रतिनिधिले MG Windsor EV लाई E Drive Nepal को फ्लीटमा समावेश गर्नु महत्वपूर्ण उपलब्धि भएको जानकारी गराउनुभयो । यसले प्रयोगकर्तालाई प्रिमियम, किफायती तथा शून्य-उत्सर्जनयुक्त यात्रा सेवा प्रदान गर्न सक्षम बनाउने पनि उहाँको भनाई छ ।
साथै, यसले नेपालका शहरी क्षेत्रमा स्वच्छ तथा दिगो यातायात प्रवर्द्धन गर्न महत्वपूर्ण योगदान पुर्याउने,
MG Windsor Commute EV: फ्लीट सञ्चालनका लागि उपयुक्त विद्युतीय SUV MG Windsor EV मा व्यावसायिक फ्लीट सञ्चालनलाई ध्यानमा राख्दै आराम, कार्यक्षमता र प्रविधिको उत्कृष्ट संयोजन प्रदान गर्ने विभिन्न विशेषताहरू रहेको कम्पनीले जानकारी गराएको छ ।
यस्ता छन मुख्य विशेषताहरू:
शक्तिशाली प्रदर्शन र रेन्ज: १०० kW को अधिकतम पावर र २०० Nm टर्क उत्पादन गर्ने मोटरसहित
३८ kWh ब्याट्री जडान गरिएको छ। यसले एक पटकको चार्जमा ३३० किलोमिटरभन्दा बढीको रेन्ज
प्रदान गर्दछ, जुन आधुनिक फ्लीट सञ्चालनका लागि उपयुक्त छ।
प्रिमियम इन्टेरियर: अत्याधुनिक १३५ डिग्रीसम्म रिक्लाइन हुने Aero-Lounge Seats ले
यात्रुलाई उच्चस्तरीय आराम प्रदान गर्दछ।
द्रुत चार्जिङ: र्यापिड चार्जिङ क्षमताका कारण चार्जिङमा लाग्ने समय कम हुनुका साथै फ्लीट
सञ्चालनमा हुने डाउनटाइमलाई न्यून गर्न मद्दत गर्दछ।
सर्भिस तथा स्पेयर पार्ट्सको सहज उपलब्धता: MG Windsor EV लाई व्यापक सर्भिस नेटवर्क तथा
प्रतिस्पर्धी मूल्यमा स्पेयर पार्ट्सको सहज उपलब्धताको सुविधा प्राप्त छ। यसले ग्राहकलाई सर्भिसिङ
तथा मर्मतसम्भारमा थप सहजता प्रदान गर्दछ।
व्यापक वारेन्टी: हाई-भोल्टेज (HV) मोटरमा ८ वर्ष वा १,६०,००० किलोमिटर सम्मको वारेन्टी उपलब्ध छ। त्यस्तै, HV मोटर बाहेक सम्पूर्ण सवारीसाधनमा व्यावसायिक प्रयोगका लागि ३ वर्ष वा १,००,००० किलोमिटर, सम्मको वारेन्टी रहेको छ।
उच्च ग्राउन्ड क्लियरेन्स: १८६ मिलिमिटरको ग्राउन्ड क्लियरेन्सले MG Windsor EV लाई नेपालको
विविध तथा चुनौतीपूर्ण सडक अवस्थाका लागि समेत उपयुक्त बनाउँछ।
GO Automobiles Pvt. Ltd. बारे थप जानकारी :
प्रतिष्ठित Golchha Organization अन्तर्गत सन् १९३० मा स्थापित G.O. Automobiles Pvt. Ltd. नेपालका प्रमुख अटोमोबाइल आयातकर्ता तथा वितरकमध्ये एकका रूपमा चिनिएको छ । कम्पनीले
विश्वप्रसिद्ध अटोमोबाइल ब्रान्डहरूसँगको साझेदारीमार्फत नेपालको आधुनिक मोबिलिटी क्षेत्रको विकासमा
महत्वपूर्ण भूमिका निर्वाह गर्दै आएको बताएको छ ।
विश्वस्तरीय ब्रान्डहरूलाई नेपाली बजारमा प्रस्तुत गर्दै आएको GO Automobiles ले परम्परागत
अटोमोबाइल उत्कृष्टता र नयाँ पुस्ताको मोबिलिटी समाधानलाई एकसाथ अघि बढाउँदै आएको उल्लेख गरेको छ । देशव्यापी सञ्जाल, बजारसम्बन्धी गहिरो ज्ञान तथा ग्राहककेन्द्रित सेवाका माध्यमबाट कम्पनीले नेपालमा
मोबिलिटीको अनुभवलाई निरन्तर सुधार गर्दै नवप्रवर्तनलाई प्रवर्द्धन गर्दै आएको कम्पनीले जनाएको छ ।
E Drive Nepal बारे थप जानकारी :
E Drive Nepal सन् २०२२ मा स्थापना भएको विद्युतीय सवारीसाधनमा केन्द्रित राइड-सेयरिङ सेवा
प्रदायक कम्पनीको रुपमा रहेको छ । सार्वजनिक यातायातका चुनौतीहरूलाई सम्बोधन गर्ने उद्देश्यका साथ स्थापित E Drive Nepal ले सुरक्षित, किफायती तथा वातावरणमैत्री यातायात सेवा प्रदान गर्दै दिगो यात्राको अवधारणालाई प्रवर्द्धन गर्दै आएको कम्पनीले जनाएको छ ।
साथै, E Drive Nepal ले यात्रुहरूलाई सुरक्षित र आरामदायी रूपमा गन्तव्यसम्म पुर्याउने फ्लीट-आधारित
सवारीसाधन सेवा सञ्चालन गर्दै आएको कम्पनीले जनाएको छ । यात्रुको सुरक्षा तथा सहजतालाई प्राथमिकता दिँदै प्लेटफर्मले लाइभ ड्राइभर लोकेसन ट्र्याकिङ, आपतकालीन सम्पर्क सुविधा तथा यात्रु र चालक दुवैका लागि बीमा कभरेज जस्ता सुविधाहरू उपलब्ध गराउँदै आएको उल्लेख गरेको छ ।
काठमाडौं उपत्यकाबाट आफ्नो सेवा सुरु गरेको E Drive Nepal ले हाल देशका अन्य क्षेत्रहरूमा समेत सेवा
विस्तार गर्दै दिगो तथा वातावरणमैत्री मोबिलिटीलाई सबैका लागि सहज रूपमा उपलब्ध गराउने लक्ष्यका
साथ अघि बढिरहेको जनाएको छ।
