एथरको पहिलो पटक २०८ युनिट स्कुटर हस्तान्तरण

पछिल्लो समय पेट्रोलको मूल्य बढेसँगै इलेक्ट्रीक स्कुटरप्रति ग्राहकको आकर्षण बढिरहेको समयमा एथर इलेक्ट्रिक स्कुटरको नेपालका लागि आधिकारिक वितरक वैद्य इनर्जिजले पहिलो पटक २०८ युनिट स्कुटर हस्तान्तरण गर्दै नयाँ किर्तिमान कायम गरेको छ ।

कम्पनीले लामो समयदेखि स्कुटर बुकिङ गरेर वसेका २०८ जना ग्राहकलाई एकैदिन स्कुटर हस्तान्तरण गरेको हो ।  देशभरका विभिन्न स्थानबाट आएका ग्राहकलाई एकसाथ स्कुटर हस्तान्तरण गरिएको हो ।

कम्पनीले एथर ४५० र रिज्टा इलेक्ट्रीक स्कुटर हस्तान्तरण गरेको हो ।

एकैदिन २०८ युनिट स्कुटर हस्तान्तरण गर्ने यो उपलब्धिले एथर नेपालको अग्रणी विद्युतीय स्कुटर ब्रान्डको रूपमा अझ सशक्त बनाएको कम्पनीले बताएको छ ।

बाँकी स्कुटर बुकिङ गरेर बसेका ग्राहकहरुलाई पनि छिट्टै हस्तान्तरण गरिने कम्पनीले जनाएको छ ।