यातायात व्यवस्था विभागले १०० पृष्ठ लामो सवारीसाधन आयात, उत्पादन तथा जडान सम्बन्धी निर्देशिकाको मस्यौदा तयार पारे पनि यसले अन्तिम रूप पाउन अझै केही चरणहरू पार गर्न बाँकी छ।
यो मस्यौदा अहिले भौतिक पूर्वाधार तथा यातायात मन्त्रालयमा थप छलफलका लागि पेश गरिएको छ।
मन्त्रालयबाट प्रारम्भिक स्वीकृति पाएपछि यसलाई व्यवहारिक बनाउन गाडी आयातकर्ता व्यवसायी, सार्वजनिक यातायात सञ्चालक, अटोमोबाइल इन्जिनियरहरू, प्रतिनिधि चालक र उपभोक्ता अधिकारकर्मीहरूसँग विस्तृत छलफल गरिनेछ।
सबै पक्षको राय र सुझावलाई समेटेर आवश्यक परिमार्जन गरेपछि मात्र यो निर्देशिकालाई नेपाल सरकारको राजपत्रमा प्रकाशित गरी देशभर लागू गरिने तयारी छ।
