काठमाडौंमा टाटा टियागो इभीको ‘सेलिब्रेटिङ क्रियटिभिटी’ अभियान सम्पन्न भएको छ।
यस कार्यक्रम सिप्रदी ट्रेडिङले आयोजना गरेको थियो जसअनुसार विभिन्न विद्यालयका विद्यार्थीहरूले टियागो इलेक्ट्रिक कारलाई केन्द्रमा राखेर चित्रकलाहरू तयार पारे र थापाथलीस्थित शोरुममा प्रदर्शनी गरिएको थियो।
अभियानले विद्यार्थीहरूलाई दिगो यातायात र वातावरणमैत्री प्रविधिबारे सचेत गराउने उद्देश्य राखेको थियो।
विद्यार्थीहरूले इभीका फाइदा र वातावरण संरक्षणको सन्देश आफ्ना कलाहरूमा देखाएका थिए।
प्रदर्शनीमा राखिएका चित्रकला बिक्रीका लागि राखिएका थिए।
बिक्रीबाट आएको रकमको ५० प्रतिशत विद्यार्थीलाई र बाँकी ५० प्रतिशत बीएनके आर्ट क्लबलाई दिने व्यवस्था गरिएको थियो।