नाडा अटो शो स्टल वितरण सम्पन्न

नाडा अटो शो २०२५ को स्टल वितरण उत्साहपूर्वक सम्पन्न भएको छ।

नेपालकै सबैभन्दा ठूलो अटोमोबाइल प्रदर्शनीको रुपमा रहेको यो शो आगामी भदौ ३ देखि ८ गते (अगस्ट १९–२४, २०२५) सम्म काठमाडौंको भृकुटीमण्डपमा आयोजना हुँदैछ।

सन् १९९८ देखि नियमित रूपमा हुँदै आएको नाडा अटो शोले दुई दशकभन्दा बढी समयदेखि नेपाली अटोमोबाइल तथा सम्बन्धित उद्योगलाई प्रवर्द्धन गर्दै आइरहेको छ।

यो शोले नयाँ प्रविधि, नवप्रवर्तन र मोबिलिटी ट्रेन्डलाई एकै थलोमा ल्याउने अवसर प्रदान गर्दै आएको छ।

सहभागी ब्रान्डहरू:

• चार पांग्रे सवारी साधनहरू: डीपल, एभाटर, डोङफेङ नाम्मी, सेरिस, टाटा, सुजुकी, टेस्ला, आयन, एक्सपेंग, रिड्डारा, स्काई वेल, बीवाईडी, फोटन, बीएडब्लु ब्रम्बी, जेवाई एयर, ब्लाभल, एलएस अटो, जिनपेंग (१८ स्टल)

• दुई पांग्रे सवारी: हिरो, रोयल एनफिल्ड, जोन्सन, यामाहा

• हलुका व्यावसायिक सवारी (LCVs): न्यू गोनो, डिएफएसके, डोङफेङ, कामा, फोटन, सोकन, सीजी केवाइसी/ किङलोंग, मोन्ट्रा, स्काइवर्थ, काइनीयु, कावेइ/ नावेको, सनलङ (१३ स्टल)

• अटो कम्पोनेन्टहरू: एशियन, गल्फ, डकम्स, एटीएस एल्जी/ एल्जी, माफ्रा, म्याक्सशाइन, वेभेक्स/ कुरुमा, म्यासिमो नेपाल, मिचेलिन, लिक्वी मोली, एसटीसी राइड/ इनर्जी, सिएट टायर, जेके/ गुड टायर, स्पाइसर, भल्कन, आइटीआर/ एटीएफ/ यूएसबी/ होबे, सिग, केपीआई र कोहिनूर, म्यानाटेक, इलेक्ट्रिक भेइकल चार्जर, टाटा ग्रिन, टोटल एनर्जिज, स्टड्स/ एसएमके, माइक्रोबिज, होराइजन एफसीटी, म्याक, पीएलओ (४० भन्दा बढी स्टल)

२०२५ का मुख्य आकर्षणहरू:

• मेड इन नेपाल पवेलियन

• भिन्टेज कार पवेलियन

• अटो डाइलग्स

• क्याफे र इटेरिज

• चाँडै सार्वजनिक गरिने विशेष सवारीको विमोचन

यस वर्षको शो एमएडब्लू ग्रुप अफ कम्पनीज को शीर्ष प्रायोजनमा हुने भएको छ, जसले नवप्रवर्तनशील र प्रतियोगिताहीन उत्पादनमार्फत शोको समर्थन गर्नेछ।

नयाँ विषयवस्तु, थप सहभागिता र उच्च ऊर्जा सहित नाडा अटो शो २०२५ नेपाली अटोमोबाइल यात्राको ऐतिहासिक उत्सव बन्ने तयारीमा छ।