ग्लोबल आइएमईका ग्राहकलाई होटल र केबलकारमा छुट

ग्लोबल आइएमई बैंक लिमिटेडका कार्डधारक तथा मोबाइल बैंकिङ प्रयोगकर्ताहरूले आइएमई हस्पिटालिटी र इला होटल एण्ड रिसोर्ट मा १५ प्रतिशतसम्म छुट पाउने भएका छन्।

यस सम्बन्धमा ग्लोबल आइएमई बैंक र आइएमई हस्पिटालिटी तथा इला कम्फर्ट एण्ड रिसोर्ट प्रा.लि. बीच समझदारीपत्रमा हस्ताक्षर भएको हो।

बैंकका सहायक महाप्रबन्धक दिलीप पोखरेल र आइएमई हस्पिटालिटीका प्रमुख कार्यकारी अधिकृत प्रसन्न अधिकारी ले सम्झौतामा हस्ताक्षर गरेका हुन्।

सम्झौता अनुसार:

• ग्लोबल आइएमई बैंकका डेबिट/क्रेडिट कार्डधारक तथा

• मोबाइल बैंकिङ एप ‘ग्लोबल स्मार्ट प्लस’ प्रयोगकर्ताहरूले

• आइएमई हस्पिटालिटीद्वारा सञ्चालित होटल तथा रिसोर्टहरूमा १५% छुट र

• मौलाकाली केबलकारको टिकटमा १०% छुट पाउने छन्।

आइएमई समूहले विभिन्न स्थानहरूमा स्तरीय सेवा दिने उद्देश्यले होटल र रिसोर्ट सञ्चालन गर्दै आएको छ।

तीमध्ये प्रमुख स्थानहरू हुन्:

• होटल ले हिमालय, साके एण्ड फेङ रेस्टुरेन्ट – लाजिम्पाट, काठमाडौँ

• इला कम्फर्ट – बागलुङ

• इला होटल एण्ड रिसोर्ट – मौलाकाली, गैँडाकोट

• लेकसाइट रिट्रीट – पोखरा

ग्लोबल आइएमई बैंकले ग्राहक लाभका लागि समय अनुसारका योजना ल्याउँदै आएको छ।

हालै ग्लोबल फाइनान्सको “बेष्ट बैंक अवार्ड २०२४” र युरो मनी “अवार्ड फर एक्सलेन्स २०२४” अन्तर्गत नेपालकै उत्कृष्ट बैंक घोषित भएको छ।

बैंकका हालका सुविधाहरू:

• ७७ वटै जिल्लामा शाखा विस्तार

• ३५२ शाखा, ३८५ एटीएम, १५८ शाखारहित बैंकिङ सेवा

• ६८ एक्सटेन्सन र राजस्व संकलन काउन्टर

• ३ वटा विदेशी प्रतिनिधि कार्यालय

• विश्वभरबाट रेमिट्यान्स सेवा (अमेरिका, बेलायत, कोरिया, जापान, भारत, खाडी देशहरू आदि)