यसरी हुँदैछ सूर्यविनायक–धुलिखेल सडक विस्तार

पूर्वी तराईका जिल्ला जोड्ने बीपी राजमार्ग पुग्न पहिला सूर्यविनायक–धुलिखेल सडक छिचोल्नु पर्छ ।

यो सडक छिचोल्न चालक र यात्रुलाई सधै हम्मे–हम्मे पर्छ । विस्तारका लागि भन्दै अहिले सडक भत्काइएको छ ।

जसले गर्दा घाम लाग्दा धुलो र पानी पर्दा हिलोले सास्ती थपेको छ । विस्तार थालिएको भक्तपुरतर्फ अझ बढी समस्या छ ।

भक्तपुरको सूर्यविनायकदेखि काभ्रेको धुलिखेल सडक चार लेनमा विस्तार थालेको २९ महिना बित्यो । तर, अहिलेसम्म निर्माण प्रगति ४७ प्रतिशत मात्र छ ।

दुई जिल्ला काभ्रे र भक्तपुर जोड्ने कुल सडकको दूरी १५.८ किलोमिटर छ, जसलाई दुई खण्डमा विभाजन गरेर काम भइरहेको छ ।

जसमध्ये एउटा खण्ड हो, सूर्यविनायक–साँगा । जुन खण्डको दूरी हो, ७.५ किमि हो ।

उक्त खण्डको ठेक्का आशिष/कुमार श्रेष्ठ/बन्धन भगवती जेभीले २०७९ पुस २४ मा लिएको हो ।

जसको ठेक्का रकम ३ अर्ब ८८ करोड ९३ लाख रुपैयाँ छ । यस खण्डको प्रगति ३७ प्रतिशत र म्याद २०८२ पुस २७ सम्म मात्र ।