मिर्चैया कटारी सडक अन्तर्गत सिरहाको मिर्चैया नगरपालिका-७ फूलबरिया खण्डमा मंगलबार बिहान चुनढुंगा बोकेको टिपरले ठक्कर दिंदा स्थानीय बृद्धको मृत्यु भएको छ ।
मृत्यु हुनेमा फूलबरिया गाउँका ६५ वर्षीय महेन्द्र महरा रहेको इलाका प्रहरी कार्यालय मिर्चैयाले जनाएको छ ।
मिर्चैया प्रहरी प्रमुख प्रहरी नायव उपरीक्षक राज पुरीका अनुसार उदयपुरबाट चुनढुंगा बोकेर आउँदै गरेको बा. प्र ०१–००४ क २९५३ नम्बरको टिपरले मंगलबार बिहान करिब पौने ६ बजेतिर महरालाई ठक्कर दिएको थियो ।
मानिसलाई ठक्कर दिएको टिपर असन्तुलित भएर पल्टिदा महराको घटनास्थलमै मृत्यु भएको हो ।
प्रहरी नायव उपरीक्षक पुरीका अनुसार मिर्चैयाबाट गएको प्रहरीले घटनास्थल शिल गरी मुचुल्का उठाउनेसहित आवश्यक अनुसन्धान गरेको छ ।
ठक्कर पश्चात फरार रहेका टिपर चालकको खोजी भइरहेको छ उनले बताए ।