टिकटकले सुरु गर्यो सेफ्टी एम्बेसडर कार्यक्रम: जीवन्त र विविध समुदायका लागि सुरक्षित र स्वागतयोग्य डिजिटल स्पेस प्रवर्द्धन गर्ने निरन्तरको प्रयास अनुरुप, टिकटकले नेपालमा आफ्नो सेफ्टी एम्बेसडर कार्यक्रम सुरु गरेको छ।
यो कार्यक्रम स्वतन्त्र र विश्वस्त रूपमा आफूलाई अनलाइनमा व्यक्त गर्दा प्रयोगकर्ताहरूले कसरी प्रचलित डिजिटल सुरक्षा चुनौतीहरूको सामना गर्न सक्छन् भन्ने बारे सचेतना जगाउनको लागि डिजाइन गरिएको हो।
#SaferTogether पहल मार्फत, टिकटकले अनलाइन सुरक्षाको बारेमा शक्तिशाली सन्देशहरू प्रदान गर्न, प्रयोगकर्ताहरूलाई सुरक्षित र जिम्मेवारीपूर्वक डिजिटल संसारमा नेभिगेट गर्न आवश्यक ज्ञानको साथ सशक्त बनाउन सुरक्षा एम्बेसडरको रूपमा नेपालका सबैभन्दा प्रभावशाली टिकटक सिर्जनाकर्ताहरू, सेलिब्रेटीहरू र प्रमुख विचार निर्माताहरूसँग साझेदारी गर्दैछ।
एम्बेसडरहरूले समुदायको कल्याण सुनिश्चित गर्न टिकटकमा उपलब्ध विभिन्न इन-एप सुरक्षा सुविधाहरूको बारेमा जागरूकता सिर्जना गर्न मद्दत गर्नेछन्।
टिकटकका नेपालका सेफ्टी एम्बेसडर
टिकटकको नेपालमा सेफ्टी एम्बेसडर कार्यक्रममा ओशिन सिटौला, पराक्रम राणा, सुशान्त प्रधान, मञ्जिता मानन्धर, राष्ट्र विमोचन तिमल्सेना, श्री पाण्डे, प्रियंका कार्की, अनिश तामाङ, इष्टु कार्की, विपिन स्थापित, सारिका न्यौपाने, महिमा अधिकारी, सावित्रा भण्डारी, रेहान श्रेष्ठ, रोनिश्मा श्रेष्ठ र दीपक सुन्दास लगायतको सहभागिता रहनेछ।
प्रयोगकर्ताहरूसँग जोडिन र प्रभावकारी छलफलहरू सुरु गर्ने क्षमताको लागि सावधानीपूर्वक चयन गरिएका सेफ्टी एम्बेसडरहरूले यस पहलमा मूल्यवान पहुँच र विश्वसनीयता ल्याउनेछन्।
उनीहरूको प्रभाव र समर्पणले उनीहरूलाई सम्मानजनक र सुरक्षित अनलाइन अन्तरक्रियाहरू सिर्जना गर्ने टिकटकको मिशनको लागि प्रमुख अधिवक्ताहरूको रूपमा स्थान दिन्छ।
महत्वपूर्ण विषयहरू र प्लेटफर्म बाहिरको दुनियाँमा समावेशी पहल
यो पहल प्लेटफर्म भित्र मात्र सीमित नरहेर, यसले सफलताको लागि कुनै सर्टकट हुँदैन भन्ने बुझेर सुरक्षित सामग्रीको निर्माण, खतरनाक चुनौतीहरू, गलत सूचना, उत्पीडन, अनलाइन ट्रोलिङ र साइबरबुलिङ, संस्कृति र सामाजिक मान्यताहरूको सम्मान, अनलाइन ठगीहरूबाट सुरक्षा, नाबालक सुरक्षा जस्ता महत्वपूर्ण विषयहरूलाई सम्बोधन गर्दै प्लेटफर्म बाहिरको दुनियाँलाई पनि समेट्नेछ।
यदि तपाईं पीडित हुनुहुन्छ भने, टिकटकका सुरक्षा सुविधा र सामुदायिक दिशानिर्देशहरू मार्फत मद्दत प्राप्त गर्न सक्नु हुनेछ।
टिकटकको विश्वव्यापी उपस्थित र स्थानीय सचेतना अभियान
विश्वव्यापी रूपमा १ बिलियन मासिक सक्रिय प्रयोगकर्ताहरूसँगै, टिकटक सधैं रचनात्मक अभिव्यक्तिको लागि ठाउँ रहेको छ।
यस प्रकारको स्थानीयकृत सचेतना अभियानले नेपाली प्रयोगकर्ताहरूका लागि थप सुरक्षित डिजिटल वातावरण निर्माण गर्न स्थानीय सरोकारवालाहरूसँग हातेमालो गरेर काम गर्ने टिकटकको सक्रिय प्रयासलाई प्रतिबिम्बित गर्दछ।
सेफ्टी एम्बेसडरहरूसँग नजिकबाट काम गरेर टिकटकले नेपालको अनलाइन परिदृश्यमा दिगो प्रभाव पार्ने डिजिटल जिम्मेवारीको संस्कृति सिर्जना गर्ने लक्ष्य राखेको छ।
टिकटक सुरक्षा केन्द्र
टिकटकमा सबै कुराको सुरक्षाबारे थप जानकारीको लागि कृपया टिकटक सुरक्षा केन्द्रमा जानुहोस्। यो वान-स्टप अनलाइन स्रोत हो जसले प्रयोगकर्ताहरूलाई उत्पादन शिक्षा र सुरक्षा उपायहरूसँग सुसज्जित गर्न प्लेटफर्मको सुरक्षा नीतिहरू, उपकरणहरू र संशाधनहरूमा पहुँच प्रदान गर्दछ।
सुरक्षा केन्द्रलाई टिकटकमा सुरक्षाका महत्त्वपूर्ण पक्षहरूलाई प्रतिबिम्बित गर्ने धेरै खण्डहरूमा विभाजन गरिएको छ, जसमा युवा सुरक्षा र अभिभावकीय दिशानिर्देशहरू, बुलिङ-प्रतिरोधी, आत्महत्या र आत्म-हानि सम्बन्धि नीतिहरू र थप अन्य कुराहरू समावेश छन्।
टिकटकको बारेमा
टिकटक छोटो आकारको मोबाइल भिडियोको लागि अग्रणी गन्तव्य हो। हाम्रो मिशन भनेको रचनात्मकतालाई प्रेरित गर्नु र मनोरञ्जन दिनु हो। टिकटकको ग्लोबल मुख्यालय लस एन्जलस र सिंगापुरमा छ र यसका कार्यालयहरू न्यूयोर्क, लन्डन, डब्लिन, पेरिस, बर्लिन, दुबई, जकार्ता, सियोल र टोकियो जस्ता शहरहरूमा अवस्थित छन्।