बीवाईडीको ३० वर्ष पूरा, १० मिलियन एनईभी उत्पादन: बीवाईडी, नयाँ ऊर्जा सवारी साधन (एनईभी) र पावर ब्याट्रीहरूको विश्वकै प्रमुख निर्माता, आज आफ्नो ३० वर्षको उत्सवमा ऐतिहासिक क्षणको साक्षी बन्यो।
यस उत्सवको अवसरमा, कम्पनीले आफ्नो १० मिलियनौँ एनईभी शेनझेन-शानवे विशेष सहकार्य क्षेत्रको जियाओमो उत्पादन आधारबाट बाहिर निकालेको हो।
यो महत्वपूर्ण उपलब्धिले बीवाईडीको दिगो यातायातको प्रति प्रतिबद्धता र यसको विश्वव्यापी अटोमोटिव उद्योगमा प्रमुख स्थानलाई मजबुत बनाउँछ।
यस कार्यक्रममा, बीवाईडीका अध्यक्ष र प्रमुख कार्यकारी अधिकारी श्री वांग छ्वानफुले कम्पनीको परिवर्तनको बारेमा मुख्य भाषण दिए।
उनले कम्पनीको प्रारम्भिक समयका बारेमा चर्चा गरे, जब यो केवल २० कर्मचारी भएका सानो स्टार्टअप थियो र अहिले विश्वभर करिब एक मिलियन कर्मचारी भएको बहुराष्ट्रिय कम्पनी बनिसकेको छ।
श्री वांगले बीवाईडीको प्रौद्योगिकि नवप्रवर्तनमा गरेको योगदान र भविष्यको यातायातको विकासमा यसको महत्वपूर्ण भूमिका पनि औंल्याए।
१० मिलियन एनईभी उत्पादन गर्ने यो मीलको पत्थर बीवाईडीको दिगो विकासको प्रतिबद्धतालाई प्रमाणित गर्दछ। अब यो कम्पनी विश्वको पहिलो कार निर्माता हो जसले यो महत्त्वपूर्ण लक्ष्य हासिल गरेको छ।
चाखलाग्दो कुरा भनेको, बीवाईडीले पहिलो ५ मिलियन एनईभी बनाउन १५ वर्ष लागेको थियो भने, अर्को ५ मिलियन मात्र १५ महिनामा पुरा गरेको छ।
यसले बीवाईडीको नयाँ ऊर्जा सवारी साधनमा रहेको रणनीतिक ध्यान र निरन्तर प्रौद्योगिकिक प्रगतिको स्पष्ट संकेत दिन्छ।
१० मिलियनौँ सवारी साधन, एक डेनजा जेड९, गेम साइन्सका संस्थापक र सीईओ श्री फेंग जीलाई प्रदान गरियो।
श्री वांगले भने कि बीवाईडीको सफलता दृढ दृष्टिकोण, कठिन परिश्रम र अडिग प्रयासको परिणाम हो।
उनले कम्पनीको सफलता यसको बलियो प्रौद्योगिकिक क्षमता र इञ्जिनियरिङ संस्कृतिमा निहित रहेको बताए। “बीवाईडीका इञ्जिनियरहरूको आत्मा नै हाम्रो कम्पनीको आत्मा हो,” उनले भने।
बीवाईडीको संस्कृति बुझ्नका लागि, चिनियाँ प्रसिद्ध वित्तीय पत्रकार र लेखक क्यिन शुओले लगभग १०० मध्यदेखि उच्च तहका कार्यकारीहरू र कर्मचारीहरूसँग अन्तर्वार्ता लिए।
यी अन्तरवार्ताहरूलाई पुस्तक “इञ्जिनियरहरूको आत्मा” मा संकलन गरिएको छ।
आगामी भविष्यलाई ध्यानमा राख्दै, श्री वांगले बीवाईडीको रणनीतिक मार्गदर्शनको घोषणा गरे र “बीवाईडी आधारभूत मार्गनिर्देशन” नामक एक समग्र कागजात प्रस्तुत गरे।
यस कागजातमा कम्पनीका मौलिक सिद्धान्तहरू, ऐतिहासिक अनुभवहरू र भविष्यको रणनीतिहरू समावेश गरिएको छ।
यो दस्तावेज बीवाईडीको भविष्यको विकास र नवप्रवर्तनलाई मार्गदर्शन गर्नेछ।
अगामी योजनामा, बीवाईडी १०० अर्ब युआनको लगानी गर्नेछ, जसले कृत्रिम बुद्धिमत्ता र अटोमोटिव प्रणालीको संयोजन गर्दै सवारी साधनको पूर्ण उन्नयनमा काम गर्नेछ।
यसले बीवाईडीलाई प्रौद्योगिकिक अग्रगामी बनाइ राख्नेछ र वैश्विक बजारमा प्रतिस्पर्धात्मक फाइदा सुनिश्चित गर्नेछ।
दिगो विकासको प्रति दृढ प्रतिबद्धता र इञ्जिनियरिङ आत्माको साथ, बीवाईडी भविष्यमा विश्वस्तरीय उच्च प्राविधिक कम्पनीको रूपमा अझ सशक्त हुनेछ।
Visit homepage : eautonepal.com