नेपालमा सुजुकी गाडीहरूको अधिकृत वितरक सुजुकी नेपालले आज लन्च गरेको ‘न्यु ब्रेजा’ नाडा अटो शो मा प्रदर्शन गर्ने भएको छ । दर्शकहरूले अटोे शोमा न्यु ब्रेजा प्रत्यक्ष हेर्न, टेस्ट ड्राइभ बुक गर्न र सुजुकीका सबै मोडलका फिचर तथा सुविधाबारे सुजुकी टिमबाट जानकारी लिन सक्ने सुजुकी नेपालले जनाएको छ ।
भरपर्दो एसयूभी, नयाँ लुक , बलियो इन्जिन र सुरक्षाका नयाँ फिचरहरूले यसलाई सहरको भिडभाडमा खुला राजमार्गमा सहज हुने गरी बनाइएको छ ।
न्यु ब्रेजा टर्बो बुस्टरजेट प्रत्येक यात्रालाई अझ जोसिलो बनाउने गरी तयार पारिएको हो। ५,५०० आरपिएममा अधिकतम ८१ किलोवाट शक्ति र २,०००–३,५०० आरपिएममा १७० न्युटन–मिटर टर्क दिने यो इन्जिनले सहरका साँघुरा सडकदेखि खुला राजमार्गसम्म भरपर्दो प्रदर्शन दिन्छ — त्यो पनि इन्धन दक्षतामा कुनै सम्झौता नगरी। यससँगै आउने सर्वथा नयाँ ६–स्पिड म्यानुअल ट्रान्समिसनले चालक र गाडीबीचको तालमेललाई अझ नजिक ल्याउँछ।
फरक रुचि र आवश्यकता पूरा गर्न न्यु ब्रेजा विभिन्न पावरट्रेन विकल्पमा उपलब्ध छ। प्रोग्रेसिभ स्मार्ट हाइब्रिड प्रविधिसहितको परीक्षित K15C ड्युअल जेट, ड्युअल भीभीटी इन्जिनले सहज ड्राइभिङ र न्यून एनभीएच (आवाज तथा कम्पन) दिन्छ, जुन अब नयाँ ६–स्पिड म्यानुअल ट्रान्समिसनसँग जोडिएको छ। स्टियरिङमै जडित प्याडल सिफ्टरसहितको ६–स्पिड स्वचालित ट्रान्समिसन विकल्प पनि उपलब्ध छ।
न्यु ब्रेजाले पहिलो नजरमै आफ्नो उपस्थिति जनाउँछ। नयाँ स्मोक क्रोम ग्रिल, मेटालिक ग्रे बुल बार र स्किड प्लेट डिजाइन तथा परिमार्जित ड्युअल–टोन साइड क्ल्याडिङले यसलाई अझ प्रिमियम र आत्मविश्वासी रूप दिएका छन्। तिखो ज्यामितीय बनावटका नयाँ प्रिसिजन–कट अलोय ह्विलले यसको युवा एसयूभी व्यक्तित्वमा थप ऊर्जा थपिदिन्छन्।
भित्रपट्टि केबिनमा गाढा खैरो र कालो ड्युअल–टोन थिम, मेटालिक सफ्ट टच फिनिस, ग्लस ब्ल्याक एक्सेन्ट र नयाँ प्लस लेदरेट सिट राखिएका छन्। भेन्टिलेटेड फ्रन्ट सिट, अटोप्युरिफाइ र वायु गुणस्तर (एक्यूआई) डिस्प्लेसहितको पीएम२.५ फिल्टर, र एक्टिभ कुलिङसहितको वायरलेस स्मार्टफोन चार्जरजस्ता सुविधाले दैनिक यात्रालाई सहज बनाउँछन्।
२५.६५ सेन्टिमिटर (१०.१ इन्च) टचस्क्रिन र इनबिल्ट इन्टरनेट कनेक्टिभिटीसहितको नयाँ स्मार्टप्ले प्रो एक्स इन्फोटेनमेन्ट प्रणालीले न्यु ब्रेजालाई साँच्चै समकालीन अनुभव दिन्छ। यसमा वायरलेस एन्ड्रोइड अटो र एप्पल कारप्ले, आर्कामिस (Arkamys) द्वारा ट्युन गरिएको सिग्नेचर सराउन्ड सेन्ससहितका नयाँ प्रिमियम स्पिकर, र ६४ रङमा मिलाउन मिल्ने एम्बियन्ट लाइटिङ प्रणाली छन्।
अल्ट्रा हाई–टेन्साइल र हाई–टेन्साइल स्टिलको व्यापक प्रयोग गरिएको बलियो बडी स्ट्रक्चरले सुरक्षालाई गाडीको जगैदेखि सुनिश्चित गर्छ। नयाँ एक्टिभ सुरक्षा फिचरमा लेन चेन्ज अलर्टसहितको ब्लाइन्ड स्पट वार्निङ, रियर क्रस ट्राफिक अलर्ट, टायर प्रेसर मोनिटरिङ सिस्टम (टीपीएमएस), इमर्जेन्सी स्टप सिग्नल र एक्जिट सपोर्ट वार्निङ पर्छन्। तीनवटा नयाँ भ्युसहितको परिष्कृत ३६० भ्यू क्यामेरा तथा अगाडि र पछाडिका पार्किङ सेन्सरले दैनिक पार्किङलाई सहज बनाउँछन्।
नयाँ सुजुकी ब्रेजाले वयस्क र बालबालिका दुवैको सुरक्षामा भारत एनसीएपी (Bharat NCAP) बाट ५–स्टार रेटिङ हासिल गरेको छ, र यसमा स्ट्यान्डर्ड सुरक्षा फिचरहरूको पूर्ण सेट समावेश छ।
