भारतीय अटो निर्माता टाटा मोटर्सले आफ्नो लोकप्रिय विद्युतीय ह्याचब्याक टियागो ईभीको नयाँ फेसलिफ्ट भर्सन भारतीय बजारमा सार्वजनिक गरेको छ, जसको सुरुवाती मूल्य ६ लाख ९९ हजार भारु तोकिएको छ।
यो नयाँ विद्युतीय कारमा स्लिक एलईडी हेडल्याम्प, कनेक्टेड टेल ल्याम्प, नयाँ बम्पर र डुअल टोन ड्यासबोर्डसहितको पूर्ण रूपमा परिमार्जित आकर्षक डिजाइन पाउन सकिन्छ।
यसको क्याबिनमा १०.२५ इन्चको ठूलो इन्फोटेनमेन्ट सिस्टम, वायरलेस चार्जिङ र ४० भन्दा बढी कनेक्टेड कार फिचरहरू समावेश गरी गाडीलाई निकै आधुनिक बनाइएको छ।
सुरक्षालाई उच्च प्राथमिकता दिँदै टाटाले यसमा ६ वटा एयरब्याग, ३६० डिग्री क्यामेरा, ब्लाइण्ड भ्यू मनिटर र इलेक्ट्रोनिक स्टेबिलिटी प्रोग्राम जस्ता उत्कृष्ट सुरक्षा सुविधाहरू थपेको छ।
हालकै १९ र २४ किलोवाट आवरको ब्याट्री विकल्पमा उपलब्ध यो कारले क्रमशः १७० र २१५ किमीको वास्तविक रेन्ज दिने र यो आगामी दुई महिनाभित्रै नेपाली बजारमा समेत भित्रिनेछ।
