तपाइकोबजारले मिसेस नेपाललाई दियो स्कुटर

मिसेस नेपाल वर्ल्ड २०२५ की विजेता रक्षा पन्तलाई तपाइकोबजारको प्रायोजनमा एक इलेक्ट्रिक स्कुटर हस्तान्तरण गरिएको छ।

रिबन इन्टरटेनमेन्टको आयोजनामा काठमाडौंको पानीपोखरीस्थित तपाइकोबजार शोरुम परिसरमा आयोजित विशेष कार्यक्रममा स्कुटर हस्तान्तरण गरिएको हो।

कार्यक्रमका प्रमुख अतिथि वरिष्ठ कलाकार मदनकृष्ण श्रेष्ठ रहेका थिए। त्यसैगरी सम्मानित अतिथिहरूमा वरिष्ठ कलाकार सरोज खनाल, वरिष्ठ कलाकार धिरेन शाक्य, अटो नेपालको Director – रोशनकुमार श्रेष्ठ तथा वरिष्ठ फोटोग्राफर राजभाइ सुवाल लगायतको उपस्थिति रहेको थियो।

कार्यक्रममा बैंकिङ क्षेत्रका प्रतिनिधि, अटो व्यवसायी तथा विभिन्न सञ्चारमाध्यमका पत्रकारहरूको पनि उल्लेखनीय सहभागिता रहेको थियो।

प्रमुख अतिथि मदनकृष्ण श्रेष्ठ, तपाइकोबजारका प्रबन्ध निर्देशक सुशील संग्रौला तथा प्रमुख कार्यकारी अधिकृत माया लामाको संयुक्त उपस्थितिमा विजेता रक्षा पन्तलाई इलेक्ट्रिक स्कुटरको साँचो हस्तान्तरण गरिएको थियो।

कार्यक्रममा मिसेस नेपाल वर्ल्ड २०२५ का अन्य विजेताहरूलाई समेत आयोजक संस्थाद्वारा विभिन्न पुरस्कार प्रदान गरिएको थियो।

कार्यक्रमलाई सम्बोधन गर्दै तपाइकोबजारका प्रबन्ध निर्देशक सुशील संग्रौलाले सामाजिक उत्तरदायित्वअन्तर्गत प्रतिभालाई सम्मान गर्न पाउनु गौरवको विषय भएको बताउनुभयो।

“हामी व्यवसाय मात्र होइन, समाजसँग जोडिएको संस्था हौँ। प्रतिभाशाली महिलालाई प्रोत्साहन गर्नु हाम्रो सामाजिक जिम्मेवारी हो,” उहाँले भन्नुभयो।

कार्यक्रम उत्साहपूर्ण वातावरणमा सम्पन्न भएको थियो। सहभागीहरूले विजेताहरूलाई बधाई तथा सफल भविष्यको शुभकामना व्यक्त गरेका थिए।

इलेक्ट्रिक सवारीको प्रवर्द्धनसँगै महिला सशक्तीकरणलाई जोड्ने उद्देश्यले गरिएको यो पहललाई सकारात्मक रूपमा लिइएको छ।