हुन्डाई आईसीसी विश्वकप साझेदार

हुन्डाई मोटर कम्पनीले आईसीसी विश्वकप क्रिकेटका लागि प्रिमियर साझेदार बन्ने गरी बहुवर्षीय सम्झौता गरेको छ।

यस साझेदारीमार्फत हुन्डाईले विश्वव्यापी क्रिकेट दर्शकमाझ आफ्नो ब्रान्ड उपस्थिति अझ मजबुत बनाउने लक्ष्य लिएको छ।

कम्पनीका अनुसार क्रिकेट विश्वकै सबैभन्दा लोकप्रिय खेलमध्ये एक भएकाले यस सहकार्यले ब्रान्ड र प्रशंसकबीच थप नजिकको सम्बन्ध बनाउनेछ।

विश्वकपका क्रममा विभिन्न प्रचार–प्रसार गतिविधि, फ्यान इन्गेजमेन्ट कार्यक्रम र विशेष ब्रान्ड अनुभव प्रस्तुत गरिने बताइएको छ।

आगामी आईसीसी प्रतियोगिताहरू भारत र श्रीलंकामा आयोजना हुने तयारीमा छन्।

यस साझेदारीले खेलकुद र अटोमोबाइल क्षेत्रबीचको सहकार्यलाई नयाँ आयाम दिने विश्वास व्यक्त गरिएको छ।