रोल्पामा बोलेरो जिप दुर्घटना

रोल्पाको सुनिलस्मृति गाउँपालिका-४ सुलिचौरबाट किलाचौर जाँदै गरेको लु२च ८०१५ नम्बरको डबल क्याप बोलेरो जिप धुलेओडारमा दुर्घटना भएको छ।

दुर्घटना गएराति करिब १० बजे, जिप सडकबाट ३ सय मिटर तल खोलामा खसेको थियो।

दुर्घटनामा चालक थम्मन रोकामगर (३२ वर्ष) को घटनास्थलमै मृत्यु भएको छ। अन्य तीनजनालाई चोटपटक लागेको छ।

घाइतेहरूमा खिमबहादुर पुन (४०), भावना गिरी (२७) र उनकी ५ वर्षीया छोरी शान्ति गिरी रहेका छन्।

इलाका प्रहरीका अनुसार घाइतेहरूको अवस्था मध्यम छ। सुलिचौरमा उपचार सम्भव नभएपछि उनीहरूलाई मेडिकल कलेज भैरहवा रिफर गरिएको छ।