पाल्पामा इलेक्ट्रिक भ्यान दुर्घटना हुँदा तीनजनाको मृत्यु भएको छ। दुर्घटना रैनादेवी छहरा गाउँपालिका–४, पिपलभञ्ज्याङमा लु प्र ०००१ ज ००९१ नम्बरको भ्यानमा भएको हो।
भ्यान बुटवलबाट छहरा मेहलढापका लागि छुटेको थियो र दुर्घटना साढे १० बजे परेको थियो। दुर्घटनाबारे जानकारी स्थानीयलाई साढे १ बजेतिर मात्र पुगेको थियो।
इलाका प्रहरीका अनुसार, दुर्घटनामा चालकसहित तीनजनाको घटनास्थलमै मृत्यु भएको छ। मृतकको पहिचान हुन सकेको छैन, र शव जिल्ला अस्पताल पाल्पामा ल्याइएको छ।
भ्यान सडकबाट करिब १ हजार मिटर तल खसेको थियो। अन्य यात्रुहरू भने छहरा बजारमा झारेर मेहलढापतर्फ गएका थिए।