नामीका हजार गाडी सडकमा

एमएडब्लु वृद्धिले नामीका १ हजारभन्दा बढी गाडी सडकमा पुगेको अवसरमा उत्सव मनाएको छ।

यससँगै नामीलाई नेपालको सबैभन्दा तीव्र गतिमा बढ्दै गएको प्रिमियम इभी ह्याचब्याक भनेर चिनाइएको छ।

कम्पनीले एलिस रिसेप्सनमा केक काटेर कार्यक्रम मनायो, जहाँ अध्यक्ष विष्णु अग्रवाल, प्रबन्ध निर्देशक विवेक सिकरिया र अन्य अधिकारीहरू सहभागी थिए।

नामी सन् २०२४ को अगस्टमा नेपालमा आएको हो र छोटो समयमा नै धेरै लोकप्रिय भएको छ।

यसमा अटो पार्किङ, वायरलेस चार्जिङ, भेन्टिलेटेड सीट, लेभल २ एडिएएस जस्ता अत्याधुनिक फिचर छन्।

३२० किलोमिटरभन्दा बढी रेन्ज दिने यो गाडी डिजाइन र प्रविधिमा उत्कृष्ट भएकाले ग्राहकहरूको मन जित्दै आएको छ।