काठमाडौं उपत्यका प्रहरी कार्यालय, रानीपोखरीले ध्वनि प्रदूषण नियन्त्रणका लागि सबैलाई सतर्क रहन आग्रह गरेको छ।
कार्यालयले सूचना जारी गर्दै २३ प्रकारका कार्य नगर्न अनुरोध गरेको छ, जसमा सडक र सवारीसँग सम्बन्धित ४ कार्य प्रमुख छन्।
प्रहरीले बिहानै मोटरसाइकल वा अन्य सवारी स्टार्ट गर्दा ठूलो आवाज ननिकाल्न, आवाज आएमा घरदेखि टाढा गएर मात्र स्टार्ट गर्न, सडकमा अनावश्यक हल्ला नगर्न र फोहोर नफाल्न चेतावनी दिएको छ।
साथै प्रेसर हर्न वा मोडिफाई गरी ठूलो आवाज निकाल्ने सवारी साधन प्रयोग नगर्न आग्रह गरिएको छ।
ध्वनि प्रदूषण गर्ने व्यक्ति वा संस्थामाथि सम्बन्धित निकायले ३ लाख रुपैयाँसम्म जरिवाना गर्न सक्ने जानकारी समेत प्रहरीले दिएको छ।