नेपालमा गल्फ लुब्रिकेन्ट उत्पादन गर्ने नेपाल ल्युब आयल लिमिटेडले चर्चित भारतीय क्रिकेट प्रतियोगिता इन्डियन प्रिमियर लिग (आइपीएल) का खेल हेर्न आफ्ना ग्राहकहरुलाई दिल्ली र लखनउ लगेकोे छ ।
गल्फ लुब्रिकेन्ट, निकै चर्चित आइपीएल टिम चेन्नई सुपर किङ्सको स्पोन्सर समेत रहेको छ ।
महेन्द्र सिंह धोनी कप्तान रहेको सो टिम आइपीएलकै सबैभन्दा उत्कृष्ट र सफल टिम मानिन्छ ।
आइपीएलका दुइ खेल, लखनऊमा सम्पन्न चेन्नई सुपर किङ्स बिरुद्ध लखनउ सुपर जायन्ट्स र दिल्लीमा सम्पन्न चेन्नई सुपर किङ्स विरुद्ध दिल्ली क्यापिटलको खेलमा ग्राहक र सरोकारवालाहरु गरी २१ जनाले स्टेडियममै पुगी खेल हेर्ने मौका पाएका थिए ।
यसका लागि फेसबुक कन्टेस्ट मार्फत १२ जना ग्राहकहरुको छनोट गरिएको थियो भने बाँकी ९ जना गल्फका कर्पोरेट ग्राहकहरु रहेको कम्पनीले जनाएकोे छ ।
कम्पनीक महाप्रबन्धक गंगाराज भट्टराई भन्छन्, ‘इन्डियन प्रिमियर लिग (आइपीएल) क्रिकेट जगतको सबैभन्दा ठुलो प्रतियोगिता हो। यी खेलहरु स्टेडियममा बसी हेर्नेको अनुभव अतुलनिय छ।
निकै चर्चित आइपीएल टिम चेन्नई सुपर किङ्सको स्पोन्सर गल्फ लुब्रिकेन्ट भएकोले हामीले आफ्नो ग्राहक र सरोकारवालाहरुलाई यो अनुभव प्रदान गर्न सकेका हौ।
सम्भवतः यो नेपालीले पहिलो पटक पाएको मौका हो। यसले हाम्रा ग्राहक र सरोकारवालाहरुलाई गल्फ लुब्रिकेन्टप्रति अझै उत्साहित बनाएको विश्वास हामीले पाएका छौ।’
फ्युल रिटेल र लुब्रिकेन्टको क्षत्रमा गल्फ विश्वमै परिचित ब्रान्ड हो र यसले अटोमोटिभ देखि इन्डष्ट्रियल सेक्टर सम्मका उत्पादन उपलब्ध गराउँछ ।
नेपालमा गल्फ ब्रान्ड बिगत ३८ बर्ष देखि लगातार ग्राहकवर्गको रोजाईमा पर्दै आएको कम्पनीको भनाइ छ ।
