युवा इन्जिनियरहरुले स्थापना गरेको ‘ई–बहान मोटोकर्प’का संस्थापक अविरल पोखरेलको टिमको सपना हो, नेपालका थोत्रा र कवाड सवारी साधनलाई फेरि सडकमा ल्याएर कुदाउने ।
उनीहरुको सपना पूरा भयो भने सडकमा फर्किने सवारीले कालो धुवाँ फाल्ने छैनन्, बरु ब्याट्रीबाट चल्नेछन् र देशभित्र उत्पादन भएको बिजुली खपतमा सहयोग पुर्याउनेछन् ।
तर, यो टिम विगत ८ महिनादेखि सिंहदरबार, यातायात व्यवस्था विभाग र प्रदेशअन्तर्गतका यातायात कार्यालयहरुमा धाउँदा–धाउँदै वाक्कदिक्क भइसक्यो ।
पेट्रोल तथा डिजेल सवारीलाई विद्युतीय वा अन्य वैकल्पिक इन्धनबाट चल्ने सवारी साधनमा रुपान्तरण (ईभी कन्भर्जन) गर्न दिने गरी बनेको नियमको कार्यान्वयन कहिले र कसरी हुन्छ भन्ने जवाफ सरकारबाट उनीहरुले अझै पाएका छैनन् ।