MAW Vriddhi Autocorp Pvt. Ltd. अन्तर्गत धनगढी क्षेत्रका लागि चाङ्गनको आधिकारिक डिलर श्री ग्लोबल प्रा. लि. ले कैलालीको धनगढी–१३, राजपुरमा आफ्नो नयाँ शोरुम उद्घाटनसँगै बहुप्रतीक्षित चाङ्गन NEVO Q05 सार्वजनिक गर्ने तयारी गरेको छ।
शोरुमको उद्घाटन २६ असोजको बिहान गरिनेछ भने सोही दिन साँझ NEVO Q05 को औपचारिक सार्वजनिक कार्यक्रम आयोजना गरिनेछ। ग्राहकहरूले २६ देखि २९ असोजसम्म धनगढीस्थित डीपल शोरुममा सञ्चालन हुने चारदिने टेस्ट ड्राइभ क्याम्पमार्फत NEVO Q05 को प्रत्यक्ष अनुभव लिन सक्नेछन्।
चाङ्गनको मुख्य नयाँ ऊर्जा सवारीसाधन लाइनअपका रूपमा रहेको NEVO ले अत्याधुनिक विद्युतीय मोबिलिटीलाई व्यापक ग्राहक वर्गसम्म पुर्याउने लक्ष्य राखेको जनाएको छ ।
विश्वव्यापी सहरी प्रिमियम विद्युतीय SUV तथा “New-Energy Smart Living Enabler” का रूपमा स्थापित NEVO Q05 मा आधुनिक डिजाइन, उन्नत प्रविधि र दैनिक जीवनका लागि आवश्यक व्यावहारिक सुविधाहरूको संयोजन रहेको छ। यसले “आराम, डिजाइनरप्रविधिमाएकश्रेणीमाथि” (A Class Above in Comfort, Design & Technology) भन्ने अवधारणालाई आत्मसात् गरेको कम्पनीको उल्लेख छ ।
NEVO Q05 मा सहरी यात्राका लागि उपयुक्त आकारसँगै फराकिलो र आरामदायी केबिन उपलब्ध छ। २,७३५ मिलिमिटरको ह्विलबेसले विशेषगरी पछाडिको सिटमा बस्ने यात्रुहरूका लागि पर्याप्त ठाउँ र आराम प्रदान गर्ने गरी यसको डिजाइन गरिएको छ।
पछाडिका सिटलाई आवश्यकता अनुसार ढल्काउन सकिने सुविधाले यात्रालाई थप सहज बनाउने कम्पनीले जनाएको छ । साथै, यसले ५४० लिटर क्षमताको बुट स्पेसले सामान, किनमेल तथा पारिवारिक यात्राका लागि पर्याप्त ठाउँ उपलब्ध गराउने कम्पनीले जनाएको छ ।
NEVO Q05 को अर्को प्रमुख विशेषता यसको आकर्षक डिजाइन हो। चाङ्गनको विश्वव्यापी डिजाइन नेटवर्कमार्फत विकसित यस गाडीमा परिष्कृत शैली, वायुगतिकीय बनावट र व्यावहारिकतालाई प्राथमिकता दिइएको छ।
यसको आकर्षक बाह्य बनावट, विशिष्ट लाइटिङ डिजाइन र प्रभावशाली रोड प्रेजेन्सले यसलाई अन्तर्राष्ट्रिय स्तरमा पहिचान दिलाएको छ। यसले प्रतिष्ठित Golden A’ Design Award समेत प्राप्त गरेको छ।
चाङ्गनको विश्वव्यापी डिजाइन नेतृत्वमा Volkswagen Group का पूर्व डिजाइन प्रमुख तथा चाङ्गनका ग्लोबल डिजाइन उपाध्यक्ष क्लाउस जिचियोरा (Klaus Zyciora) समेत रहेको कम्पनीले उल्लेख गरेको छ ।
प्रविधिको क्षेत्रमा NEVO Q05 मा ५१.९ kWh क्षमताको CATL लिथियम आइरन फस्फेट (LFP) ब्याट्री जडान गरिएको छ, जसमा चाङ्गनको Golden Shield 2.0 ब्याट्री प्रविधि समावेश छ।
यसले 3C फास्ट चार्जिङ प्रविधिलाई समर्थन गर्दछ भने अधिकतम १६२ किलोवाटसम्मको DC चार्जिङ क्षमता प्रदान गर्ने कम्पनीको दाबी छ । उपयुक्त चार्जिङ अवस्थामा ब्याट्रीलाई करिब १५ मिनेटमै ३० प्रतिशतबाट ८० प्रतिशतसम्म चार्ज गर्ने सक्ने कम्पनीको दाबी गरेको छ ।
१२० किलोवाटको विद्युतीय मोटरबाट सञ्चालित NEVO Q05 ले NEDC परीक्षण चक्रअनुसार ४६२ किलोमिटरसम्मको ड्राइभिङ रेन्ज प्रदान गर्ने कम्पनीको दाबी छ ।
यसको ऊर्जा खपत प्रति १०० किलोमिटर १२.९ kWh रहेको छ। यी विशेषताहरूले NEVO Q05 लाई दैनिक आवतजावतदेखि लामो दूरीको यात्रासम्मका लागि उपयुक्त र व्यावहारिक विद्युतीय SUV का रूपमा प्रस्तुत गरिएको कम्पनीको जनाएको छ ।
NEVO Q05 ले चीनको बजारमा समेत उल्लेखनीय सफलता हासिल गरेको छ। सन् २०२६ अगस्टको अन्त्यसम्म यस मोडलको कुल बिक्री १ लाख २५ हजार युनिटभन्दा बढी पुगेको बताइएको छ।
आकर्षक डिजाइन, आधुनिक प्रविधि र व्यावहारिक सुविधाहरूको संयोजनका कारण यस मोडलले आफ्नो घरेलु बजारमा ग्राहकहरूको उल्लेखनीय चासो प्राप्त गरेको छ।
धनगढीमा NEVO Q05 को आगमनसँगै सुदूरपश्चिम प्रदेशका ग्राहकहरूले चाङ्गनका नयाँ ऊर्जा मोबिलिटी समाधानहरू अझ सहज रूपमा प्राप्त गर्न सक्नेछन्।
नयाँ शोरुमले सवारीसाधन बिक्री, ग्राहकसँगको अन्तरक्रिया तथा बिक्रीपछिको सेवा उपलब्ध गराउने स्थानीय केन्द्रका रूपमा काम गर्नेछ। यसले यस क्षेत्रमा चाङ्गन ब्रान्डको उपस्थितिलाई थप सुदृढ बनाउने अपेक्षा गरिएको छ।
