नेपालमा दुई पाङ्ग्रे सवारी साधनमार्फत पर्यटन प्रवर्द्धन गर्ने उद्देश्यले रोयल इन्फिल्ड नेपालले ‘रेन्टल पार्टनर्स मिट २०२६’ सम्पन्न गरेको छ।
रोयल इन्फिल्डको आधिकारिक वितरक अल्फा अटोमोटिभ प्रालिले आयोजना गरेको यस कार्यक्रममा देशभरका ४० भन्दा बढी मोटरसाइकल रेन्टल कम्पनीका सञ्चालकहरूको सहभागिता रहेको थियो।
छलफलका मुख्य बुँदाहरू:
नेपालमा मोटरसाइकल पर्यटनको सम्भावना र चुनौतीबारे छलफल गरियो।
पर्यटन क्षेत्रमा देखिएका नीतिगत जटिलता र पूर्वाधारको अभाव समाधान गर्न व्यवसायीहरूबीच समन्वय आवश्यक रहेकोमा जोड दिइयो।
यस क्षेत्रले विदेशी पर्यटक भित्र्याउन र ओझेलमा परेका पर्यटकीय गन्तव्यको प्रचार गर्न ठुलो मद्दत पुग्ने विश्वास व्यक्त गरियो।
नेपाललाई अन्तर्राष्ट्रिय एड्भेंचर मोटरसाइक्लिङ हब बनाउने योजनामा सहकार्य गर्ने प्रतिबद्धता जनाइएको छ।
