रोयल इनफिल्डको पहिलो इलेक्ट्रिक मोटरसाइकल ‘फ्लाइङ फिली’ (Flying Flea C6) भारतको चेन्नईमा कुनै आवरण (Camouflage) बिना नै सडक परीक्षणका क्रममा देखिएको छ।
आवरण बिना नै देखिएकाले यो मोटरसाइकल अब बजारमा आउनका लागि पूर्ण रूपमा तयार भएको मानिएको छ।
रेट्रो-आधुनिक डिजाइन:यो मोटरसाइकलको डिजाइन दोस्रो विश्वयुद्धको समयको ‘फ्लाइङ फिली’ बाट प्रेरित छ। यसमा गोलाकार एलईडी हेडल्याम्प, आकर्षक गर्डर-स्टाइल फ्रन्ट फार्क र पातलो बडी प्यानलहरू प्रयोग गरिएको छ।
अत्याधुनिक प्रविधि:सुरक्षाका लागि यसमा कर्नरिङ एबीएस (ABS) र ट्रयाक्सन कन्ट्रोल जस्ता रोयल इनफिल्डमा पहिलो पटक प्रयोग गरिएका सुविधाहरू छन्। साथै, यसमा पाँचवटा राइडिङ मोडहरू र ब्लुथुथ कनेक्टिभिटी सहितको गोलो टीएफटी डिस्प्ले पनि दिइएको छ।
इन्जिन र ड्राइभ:फ्लाइङ फिलीमा मध्य-माउन्ट गरिएको मोटर र चेनको सट्टा ‘बेल्ट ड्राइभ’ प्रणाली प्रयोग गरिएको छ, जसले गर्दा बाइक चलाउँदा कम आवाज आउने र यात्रा सहज हुनेछ।
ब्याट्री र रेन्ज:यसमा करिब ४-५ किलोवाट घण्टाको ब्याट्री रहने अनुमान गरिएको छ, जसले एक पटकको फुल चार्जमा १०० देखि १५० किलोमिटरसम्मको रेन्ज दिन सक्छ।
बजार र मूल्य:कम्पनीले यसलाई सन् २०२६ को अप्रिलसम्ममा सार्वजनिक गर्ने तयारी गरेको छ। यसको मूल्य भारतीय बजारमा २ लाख देखि ३ लाख भारुको बीचमा रहने अनुमान छ।
पेट्रोल बाइकका लागि चिनिने रोयल इनफिल्डले अब विद्युतीय सवारीको क्षेत्रमा पनि आफ्नो पुरानो विरासत र नयाँ प्रविधिको संगम गराउन खोजेको देखिन्छ।