जगदम्बा ट्राभल्सले पृथ्वी राजमार्ग बस सञ्चालन कम्पनी प्रा.लि.सँग आबद्ध भएर पोखरा–काठमाडौँ–वनेपा र धुलिखेल–पोखरा रुटमा चल्ने अत्याधुनिक विद्युतीय (EV) लक्जरी बस सेवा सुरु गर्ने भएको छ।
कम्पनीका अनुसार बस सेवाको औपचारिक उद्घाटन फागुन ६ गते बुधबार बिहान ८:०० बजे पोखरा–६ स्थित पोखरा इभेन्ट सेन्टरमा विशेष कार्यक्रममार्फत गरिनेछ।
कार्यक्रममा यातायात व्यवसायी, सरोकारवाला निकायका प्रतिनिधि र सर्वसाधारणको सहभागिता रहने बताइएको छ।
यो EV बस सेवाबाट वातावरणमैत्री, सुरक्षित र आरामदायी यात्रा सुविधा दिने लक्ष्य राखिएको छ।
बसको तालिकाअनुसार पोखराबाट बिहान ८:०० बजे र काठमाडौँबाट बिहान ५:०० बजे प्रस्थान हुनेछ।
कम्पनीले सबै यात्रु तथा शुभेच्छुकलाई कार्यक्रममा उपस्थित हुन आग्रह गरेको छ।