बाढी–पहिरोबाट क्षतिग्रस्त वि.पी. राजमार्गको पुनर्निर्माण तथा मर्मतका लागि नेपाल र जापान सरकारले अनुदान सहयोग सम्झौतामा हस्ताक्षर गरेका छन्।
अर्थमन्त्री रामेश्वर प्रसाद खनाल र गृहमन्त्री ओमप्रकाश अर्यालको उपस्थितिमा सम्झौतापत्रमा हस्ताक्षर सम्पन्न भयो।
जापान सरकारले २ अर्ब ८० करोड येन (करिब २ अर्ब ६० करोड रुपैयाँ) अनुदान सहयोग प्रदान गर्नेछ।
वि.पी. राजमार्ग महोत्तरीको बर्दिबासदेखि काभ्रेको धुलिखेलसम्म १५९ किलोमिटर लामो राष्ट्रिय मार्ग हो, जुन गत वर्षको बाढी–पहिरोमा धेरै भाग क्षतिग्रस्त भएको थियो।
अर्थमन्त्री खनालले जापानको दीगो विकास साझेदारीको सराहना गरे भने जापानी राजदूत माएदाले यस अनुदानले क्षतिग्रस्त सडकको पुनःनिर्माणमा सहयोग पुग्ने बताए।