सल्यानमा जिप दुर्घटना, १२ घाइते

सल्यानको शारदा–९, ज्वालापुरमा जन्ती बोकेको जिप दुर्घटना हुँदा १२ जना घाइते भएका छन्।

भागाचौरबाट थापाचौर तर्फ जाँदै गरेको लु प्र ०२–००१ ज ००२१ नम्बरको जिप अनियन्त्रित भएर करिब २०० मिटर तल खसेको हो।

घाइतेमध्ये वृद्ध महिला, किशोरी, युवा र दुलाहा–दुलहीसमेत छन्।

सबै घाइतेहरूलाई सल्यान जिल्ला अस्पतालमा उपचार भइरहेको छ। घटनाबारे थप अनुसन्धान भइरहेको प्रहरीले जनाएको छ।