अबको निकास बाटो

जेन–जी आन्दोलनले नयाँ राजनीतिक मार्ग देखाएको छ।

प्रदर्शनकारीहरूले नागरिक सरकार गठन तथा नयाँ निर्वाचनको माग गरेका छन्।

राष्ट्रपति रामचन्द्र पौडेल र सेना दुवैले आन्दोलनकारीहरूलाई वार्तामा सहभागी हुन आग्रह गरेका छन्, र यसअघि काठमाडौंका मेयर बालेन शाहले पनि संवादका लागि तयार रहेको संकेत गरेका थिए ।

पूर्वसंसद सचिव सूर्यकिरण गुरुङले वार्ता नै पहिलो विकल्प भएको बताउँदै, नागरिक समाजबाट मान्य नेतृत्वमा आधारित अन्तरिम सरकार गठन, आन्दोलनकारीलाई मन्त्रिपरिषद्का सदस्य बनाउने तथा छिटो चुनाव घोषणा गर्ने सुझाव दिनुभएको छ।

नयाँ संविधान निर्माण गर्नका लागि वार्ता मार्फत गति दिन सकिने उहाँको भनाइ छ ।