तीन गुणाले बढ्यो असारमा पुँजीगत खर्च

चालु आर्थिक वर्षको असार १–२० गतेसम्म सरकारले २४ अर्ब ६५ करोड रुपैयाँ पुँजीगत बजेट खर्च गरेको छ, जुन अघिल्ला ११ महिनाको औसत खर्चभन्दा तीन गुणा बढी हो।

काम पहिल्यै सकिए पनि बिल असारमा मात्र पेश गर्ने प्रवृत्तिका कारण खर्च अन्त्यमा बढी देखिएको हो।

असार २० सम्म कुल खर्च १ खर्ब ६८ अर्ब पुगेको छ, जुन लक्ष्यको ४७.७६ प्रतिशत मात्र हो।

अर्थ मन्त्रालयका अनुसार ढिलो काम, चाडपर्व र कानुनी झन्झटले पनि समयमै खर्च हुन सकेको छैन।

सरकार र निजी क्षेत्र दुवैको कमजोरीले असारे खर्च दोहोरिएको छ।