चिनियाँ लक्जरी विद्युतीय सवारी ब्रान्ड स्काइवेलले आफ्नो नयाँ इलेक्ट्रिक एसयूभी बीई ११ नेपाली बजारमा सार्वजनिक गरेको छ ।
नेपालका लागि आधिकारिक बिक्रेता एलआरआर मोटर्सले यो मोडललाई दुई फरक रेन्ज र ब्याट्री विकल्पसहित बिक्रीमा ल्याएको हो ।
नाडा अटो शोको अवसरमा कम्पनीले बीई ११ का दुई भेरियन्टको मूल्य सार्वजनिक गरेको छ ।
४१० लक्जरी भेरियन्टको मूल्य ४६ लाख ९९ हजार रुपैयाँ र ५२० लक्जरी भेरियन्टको मूल्य ५९ लाख ९९ हजार रुपैयाँ तोकिएको छ ।
बीई ११ को दुई भेरियन्टमा फरक क्षमताका ब्याट्री प्रयोग गरिएका छन् । ४१० किमि रेन्ज दिने मोडलमा ५१.९१ किलोवाट आवरको एलएफपी ब्याट्री रहेको छ भने ५२० किमि रेन्ज क्षमताको मोडलमा ७१.९८ किलोवाट आवरको एनएमसी ब्याट्री प्रयोग गरिएको छ ।
दुवै भेरियन्टमा १५० किलोवाट क्षमताको विद्युतीय मोटर जडान गरिएको छ ।
