भारतीय गाडी निर्माता कम्पनी मारुती सुजुकीले जुलाई २०२६ मा ऐतिहासिक सफलता हासिल गर्दै नयाँ रेर्कड कायम गरेको छ । कम्पनीले जुलाई महिनामा २ लाखभन्दा बढी सवारी साधन बिक्री गर्दै भारतीय अटोमोबाइल उद्योगमा हालसम्मकै उच्च बिक्रीको कीर्तिमान बनाएको हो ।
मारुती सुजुकीले जुलाई २०२६ मा कुल २ लाख ४१ हजार २४१ युनिट गाडी बिक्री गरेको छ, जसमा ३० हजार ५६ युनिट निर्यात गरेको हो । कम्पनीको कुल घरेलु बिक्री २ लाख १२३ युनिट रहेको छ । यसअन्तर्गत प्यासेन्जर भेहिकल १ लाख ९३ हजार २०३ युनिट र कमर्सियल भेहिकल ३ हजार ९२० युनिट बिक्री भएका छन् ।
गत वर्षको सोही महिना ९जुलाई २०२५० को तुलनामा कम्पनीको बिक्रीमा उल्लेख्य वृद्धि भएको हो । जुलाई २०२५ मा मारुतीले कुल १ लाख ८० हजार ५२६ युनिट बिक्री गरेको थियो, जसमध्ये घरेलु बिक्री १ लाख ४० हजार ५७० युनिट मात्र थियो ।
कम्पनीका अनुसार, बजारमा मारुतीका गाडीहरूको माग अझै उच्च रहेको छ । हाल कम्पनीसँग करिब १ लाख ६० हजार युनिट गाडीको बुकिङ अझै बाँकी रहेको छ ।
हालै सार्वजनिक गरिएको ‘ब्रेजा फेसलिफ्ट’ को दैनिक करिब २ हजार युनिट बुकिङ भइरहेको छ भने कम्पनीको विद्युतीय गाडी ई–भिटाराले प्रतिमहिना करिब ४ हजार भन्दा बढी बुकिङ पाइरहेको जानकारी गराएको छ ।
