सिजी मोटोकर्पले सुजुकीको पहिलो इलेक्ट्रिक एसयूभी ‘ई-भिटारा’ (e-Vitara) को डेलिभरी नेपालभर आधिकारिक रूपमा सुरु गरेको छ।
जापानी इन्जिनियरिङ र अत्याधुनिक प्रविधिमा आधारित यो ईभीका लागि कम्पनीले ४९ लाख ९९ हजार रुपैयाँको सुरुवाती आकर्षक मूल्य तोकेको छ।
मूल्य र भेरियन्ट: कम्पनीले पहिलो १०० वटा बुकिङका लागि विशेष छुटको व्यवस्था गरेको छ। ४९ किलोवाट आवर (kWh) र ६१ किलोवाट आवरका दुई ब्याट्री विकल्पमा उपलब्ध यसको मूल्य ४९ लाख ९९ हजार देखि ६० लाख ४९ हजार रुपैयाँ सम्म रहेको छ।
शक्तिशाली प्रदर्शन: ४९ किलोवाट आवरको ब्याट्रीले १०८ किलोवाट र ६१ किलोवाट आवरको ब्याट्रीले १२८ किलोवाटको पावर दिन्छ। यसले एक पटकको फुल चार्जमा ५०० किलोमिटरभन्दा बढीको रेन्ज प्रदान गर्ने दाबी गरिएको छ।
अत्याधुनिक ‘HEARTECT-e’ प्लेटफर्म: यो गाडी विशेष गरी इलेक्ट्रिक सवारीका लागि बनाइएको नयाँ प्लेटफर्ममा आधारित छ। यसको ह्विलबेस २,७०० एमएम रहेको छ, जसले गर्दा गाडीभित्र प्रशस्त ठाउँ (Cabin Space) उपलब्ध छ।
प्रिमियम इन्टेरियर: भित्र १०.१ इन्चको इन्फोटेनमेन्ट सिस्टम, १०.२५ इन्चको डिजिटल क्लस्टर, पानोरामिक सनरुफ र भेन्टिलेटेड सिटहरू जस्ता विलासी सुविधाहरू छन्। साथै, यसमा ‘इन्फिनिटी बाइ हार्मन’ को साउन्ड सिस्टम जडान गरिएको छ।
सुरक्षा र प्रविधि: सुरक्षाका लागि यसमा ७ वटा एयरब्याग, लेभल २ एडास (ADAS), ई-कल र टायर प्रेसर मोनिटरिङ सिस्टम जस्ता ५० भन्दा बढी फिचर्सहरू रहेका छन्।
भरपर्दो नेटवर्क: सुजुकीका नेपालभर रहेका २५ वटा सोरुम र ४० वटा सेवा केन्द्रहरूले ग्राहकलाई बिक्री पछिको उत्कृष्ट सेवा र स्पेयर पार्ट्सको सुनिश्चितता प्रदान गर्नेछन्।
नेपालको भौगोलिक अवस्थालाई ध्यानमा राखेर परीक्षण गरिएको सुजुकी ई-भिटाराले इलेक्ट्रिक गाडीको बजारमा नयाँ उचाइ लिने अपेक्षा गरिएको छ।
