मर्सिडीज-बेन्जले हालै सार्वजनिक गरेको आफ्नो नयाँ इलेक्ट्रिक सेडान ‘CLA BEV’ ले प्रतिष्ठित यूरो एनक्याप (Euro NCAP) क्र्यास टेस्टमा ५-स्टार सुरक्षा रेटिङ प्राप्त गरेको छ।
भारतमा तीनवटा भेरियन्टमा उपलब्ध यो लक्जरी सेडान सुरक्षाका हरेक मापदण्डमा उत्कृष्ट देखिएको छ।
वयस्क र बालबालिकाको सुरक्षा:CLA BEV ले वयस्क सुरक्षामा ९४% र बालबालिकाको सुरक्षामा ८९% अङ्क प्राप्त गरेको छ। परीक्षणका क्रममा गाडीको भित्री संरचना स्थिर रहनुका साथै अगाडिको सिटमा बस्ने यात्रुहरूको टाउको र घुँडामा राम्रो सुरक्षा पाइएको छ।
पैदल यात्रीको सुरक्षा:सडकमा हिँड्ने पैदल यात्री र साइकल यात्रीको सुरक्षामा यसले ९३% अङ्क हासिल गरेको छ। यसमा रहेको ‘एक्टिभ बोनेट’ प्रविधिले दुर्घटनाको समयमा पैदल यात्रीलाई लाग्ने चोट कम गर्न मद्दत गर्छ।
आधुनिक सुरक्षा प्रणाली (Safety Assist):यस गाडीमा ८५% अङ्कका साथ प्रभावकारी एडास (ADAS) फिचरहरू दिइएको छ। जसमा लेन कीप असिस्ट, अटोनोमस इमर्जेन्सी ब्रेकिङ (AEB) र ड्राइभरको थकान पत्ता लगाउने प्रविधि समावेश छन्।
भारतमा भेरियन्ट र मूल्य:मर्सिडीजले यसलाई CLA 200, CLA 250+ र लन्च एडिसन गरी तीन विकल्पमा ल्याएको छ। यसको सुरुवाती मूल्य भारु ५५ लाख तोकिएको छ भने शीर्ष मोडलको मूल्य भारु ६४ लाखसम्म पर्छ।
शक्तिशाली ब्याट्री र रेन्ज:यसको लङ रेन्ज भेरियन्टमा ८५ किलोवाट घण्टाको ब्याट्री छ, जसले ७९२ किलोमिटरसम्मको रेन्ज दिन्छ। यो ८०० भोल्टको आर्किटेक्चरमा आधारित छ, जसले मात्र २० मिनेटको चार्जमा ४०० किलोमिटर गुड्ने क्षमता दिन्छ।
अत्याधुनिक प्रविधि र उच्च सुरक्षा मापदण्डका कारण मर्सिडीज-बेन्ज CLA EV प्रिमियम इलेक्ट्रिक गाडी बजारमा सबैभन्दा सुरक्षित विकल्पको रूपमा उभिएको छ।
