Skip to content
चितवनमा अटोमोबाइल्स क्षेत्रको विकासका लागि यही वैशाख १७ देखि २१ गतेसम्म ‘चितवन अटो शो २०२६’ आयोजना हुँदैछ।
भरतपुरस्थित चितवन प्रदर्शनी केन्द्रमा हुने यस मेलामा विभिन्न ब्रान्डका कार, बाइक र स्कुटरका ७५ वटा स्टलहरू रहने आयोजकले जनाएका छन्।
मेलामा पुराना ‘भिन्टेज’ गाडी र महँगा ‘बिग बाइक’को प्रदर्शनीका साथै मोटरसाइकल स्टन्ट र सांस्कृतिक कार्यक्रमहरू समेत आयोजना गरिनेछ।
अवलोकनकर्ताहरूले बैंक तथा बीमा कम्पनीका स्टलबाट तुरुन्तै फाइनान्स र इन्स्योरेन्स सुविधा लिन सक्ने व्यवस्था मिलाइएको छ।
अटो शोको अवसरमा गाडी खरिदमा विशेष छुट, लक्की ड्र मार्फत उपहार र ट्राफिक सचेतनाका लागि हेल्मेट वितरण कार्यक्रम पनि राखिएको छ।
सुस्ताएको अटोमोबाइल बजारलाई चलायमान बनाउन आयोजना गरिएको यस मेलामा १० हजार दर्शक र ५० करोडको कारोबार हुने लक्ष्य छ।
यस शोले विशेषगरी विद्युतीय सवारी (EV) र नयाँ प्रविधिबारे उपभोक्तालाई जानकारी दिँदै स्थानीय अर्थतन्त्रमा ऊर्जा थप्ने अपेक्षा गरिएको छ।
Post Views: 13