इन्धन खपत घटाउने सरकारको निर्णय

सरकारले इन्धन खपत घटाउने उद्देश्यले नयाँ निर्णय गरेको छ। अब सरकारी कार्यालय र शैक्षिक संस्थामा हप्तामा दुई दिन सार्वजनिक बिदा दिइने भएको छ।

मन्त्रिपरिषद्को बैठकले शनिबार र आइतबार बिदा दिने निर्णय गरेको हो, जुन चैत २३ देखि लागू हुनेछ।

कार्यालय समय भने बिहान ९ बजेदेखि बेलुका ५ बजेसम्म कायम गरिएको छ।

सरकारले इन्धन गाडीलाई विद्युतीय सवारीमा रुपान्तरण गर्न कानुनी व्यवस्था गर्ने योजना पनि अघि बढाएको छ।

अन्तर्राष्ट्रिय बजारमा तेलको मूल्य बढ्दै जाँदा नेपालमा पनि इन्धन महँगिएको छ, जसले गर्दा यस्तो निर्णय लिनुपरेको हो।

हालै डिजेल र पेट्रोलको मूल्य उल्लेख्य रूपमा बढेको छ भने नेपाल आयल निगमलाई ठूलो घाटा पर्ने अवस्था देखिएको छ।

यसअघि नै इन्धन खपत घटाउन जोरबिजोर प्रणाली र ‘वर्क फ्रम होम’ जस्ता उपाय पनि प्रस्ताव गरिएको थियो।