रेल्वे काम रोकियो विवादले

महोत्तरीको बर्दिबास क्षेत्रमा पूर्व–पश्चिम रेल्वे आयोजना मुआब्जा विवादका कारण रोकिएको छ।

स्थानीय १४ जनाको जग्गा मुआब्जा नदिँदा निर्माण कार्य अघि बढ्न सकेको छैन।

भारत सरकारको सहयोगमा जयनगरदेखि भंगाहासम्म रेल सञ्चालनमा आइसके पनि भंगाहादेखि बर्दिबास खण्डमा काम अवरुद्ध भएको छ।

पीडितहरूलाई करिब ७–८ करोड रुपैयाँ मुआब्जा दिन बाँकी रहेको र यसका लागि मन्त्रालयसँग बजेट माग गरिएको जनाइएको छ।

मुआब्जा नपाएको भन्दै स्थानीयले पटक–पटक विरोध गरेपछि अन्ततः उनीहरूले निर्माण कार्य नै रोकेका हुन्।

जग्गाको स्वामित्व र नक्सासम्बन्धी समस्या तथा फिल्डबुकमा नाम फरक देखिएकाले विवाद झन् जटिल बनेको छ।

यसका कारण वर्षौँदेखि बसोबास गर्दै आएका केही परिवार विस्थापित हुने अवस्थामा पुगेका छन्।