सुरक्षा निकायको नयाँ गाडी टेन्डर

नेपाल प्रहरी र सशस्त्र प्रहरीले प्रयोग गर्न नयाँ सवारी साधन किन्न निकालिएको टेन्डरमा टाटा, महिन्द्रा र जीलीको रिडारा ब्रान्डले बाजी मारेका छन्।

सुरक्षा निकायले जेनजी आन्दोलनका दौरान क्षति पुगेका र चुनावकालका लागि आवश्यक पर्ने गाडीहरू खरिद गर्न टेन्डर आह्वान गरेको थियो।

यसअन्तर्गत १ अर्ब रुपैयाँको बजेटमा कुल २३५ वटा नयाँ गाडी खरिद हुने योजना रहेको छ।

टाटाले १५० युनिट, महिन्द्राले ७५ युनिट र रिडाराले १० युनिट गाडीमा टेन्डर जितेको छ।

सशस्त्र प्रहरी बल र नेपाल प्रहरीले यी कम्पनीहरूलाई गाडी उपलब्ध गराउने जिम्मा दिइसकेको छ।

महिन्द्राको क्याम्पर र टाटाका योद्धा मोडलहरू सुरक्षा निकायहरूले उपयोग गर्ने योजनामा छन्।

रिडारा इलेक्ट्रिक पिकअप पनि विशेष आवश्यकताअनुसार एक्सेसरी सहित उपलब्ध गराइनेछ।

सरकारी खरिदले अटोमोबाइल बजारलाई समेत सकारात्मक प्रभाव पुर्‍याउने अपेक्षा गरिएको छ।