डोंगफेंगले पेरुमा अफिस खोले

लामो तयारीपछि, सेप्टेम्बर ६ मा चीनको डोंगफेंग मोटर कम्पनीले पेरुको राजधानी लिमाको सान्टिएगो डे सुर्कोमा आफ्नो नयाँ अफिस उद्घाटन गरेको छ।

उद्घाटन कार्यक्रममा कम्पनीका उच्च अधिकारीहरू र पेरुका विभिन्न व्यवसायिक तथा यातायात पार्टनरहरू सहभागी थिए।

पहिले नै पेरुमा GX ट्र्याक्टर, KC डम्प ट्रक र KR कार्गो ट्रक भित्र्याइएका छन्, जसले पेरुको व्यवसायिक गाडी माग पूरा गर्ने लक्ष्य राखेको छ।

DFMIEC अब पेरुमा आधिकारिक रूपमा दर्ता भइसकेको छ र स्थानीय टिम विस्तार गर्दैछ।

अफिस स्थापना डोंगफेंगको दक्षिण अमेरिकी बजारप्रतिको प्रतिवद्धता झल्काउने काम हो।

ओभरसिज मार्केटिङ टिमले पेरुलाई केन्द्र बनाएर छिमेकी देशहरूमा छिटो सेवा, ग्राहक सहयोग र थप मूल्य सिर्जना गर्नेछ।

स्थानीय ब्रान्ड प्रमोशन, मार्केटिंग र ब्राण्ड पहिचान बढाउन पनि कम्पनीले सहयोग गर्नेछ।

पेरुका कमर्शियल पार्टनरहरूले अब चिनियाँ ब्रान्डको वास्तविक क्षमता नजिकबाट अनुभव गर्न सक्ने र ब्राण्डप्रतिको विश्वास बढ्ने बताए।

उद्घाटनपछि कम्पनीका अधिकारीहरूले पेरुमा भविष्यका योजना, मार्केटिङ च्यानल, तालिम, स्पेयर पार्ट्स र सेवा क्षमता विस्तारबारे विस्तृत छलफल गरे।

साथै, पेरुका डिलर र स्थानीय व्यवसायिक साझेदारसँग मिलेर नयाँ फ्ल्यागशिप स्टोर उद्घाटन र सेवा तथा वित्तीय सहयोगको योजना पनि तय गरिएको छ।

डोंगफेंगले पेरुमा दीर्घकालीन रणनीति अपनाएर आफ्नो उपस्थितिलाई बलियो बनाउन र दक्षिण अमेरिकी बजारमा अग्रणी बन्ने लक्ष्य राखेको छ।