टाटाको नयाँ एसयूभी ‘सिएरा’ नोभेम्बरमा

टाटा मोटर्सले आफ्नो नयाँ एसयूभी ‘सिएरा’ नोभेम्बर २५ मा लन्च गर्ने तयारी गरेको छ।

यो मोडेललाई कम्पनीले हालको ‘कर्भ’ एसयूभीभन्दा माथिल्लो सेग्मेन्टमा राख्ने योजना बनाएको छ।

सिएराले बजारमा हुन्डाई क्रेटा, किया सेल्टोस र मारुति सुजुकी ग्रान्ड भिटारासँग प्रतिस्पर्धा गर्नेछ।

नयाँ सिएरामा फुल–विड्थ एलईडी लाइट बार, फ्लश–फिटिङ डोर ह्यान्डल, डुअल टोन एलोइ ह्विल र आधुनिक एलईडी हेडल्याम्प जस्ता फिचरहरू हुनेछन्।

भित्रपट्टि डिजिटल इन्स्ट्रुमेन्ट क्लस्टर, सेन्ट्रल टचस्क्रिन र प्यासेन्जर साइडमा अतिरिक्त स्क्रिनसहितको ट्रिपल–स्क्रिन लेआउट दिइनेछ।

इन्जिनका विकल्पमा टाटाले १.५ लिटर टर्बो पेट्रोल र २.० लिटर डिजेल इन्जिन उपलब्ध गराउने सम्भावना छ।

साथै, तल्लो भेरियन्टमा १.५ लिटर नेचुरली एस्पिरेटेड पेट्रोल इन्जिन हुने अनुमान गरिएको छ।