खोङटाङ–खावा सडक स्तरोन्नति सम्पन्न

टेम्केमैयुङ गाउँपालिकाको खोङटाङ–हुँगे–चोलन्ती हुँदै खावा भञ्ज्याङ जोड्ने करिब नौ किलोमिटर ग्रामीण सडकको स्तरोन्नति कार्य सम्पन्न भएको छ।

पहिले सवारी गुडाउन पनि कठिन रहेको सडक अहिले ग्राभेलसहित नाली र पर्खाल निर्माण भएपछि सहज बनेको छ।

सडक सुधारपछि गाउँलेको दैनिकी, आर्थिक गतिविधि र सेवासुविधामा सहजता आएको छ।

किसानले आफ्नो उत्पादन बजारसम्म पुर्‍याउन, विद्यार्थीले विद्यालय जान र बिरामीले स्वास्थ्य संस्था पुग्न सजिलो भएको स्थानीयले बताएका छन्।

करीब तीन करोड ५० लाख रुपैयाँमा संघीय सरकारको बजेट र गाउँपालिकाको पहलमा यो सडक सुधार गरिएको हो।

यो बाटोले पश्चिमी गाउँपालिकाका बासिन्दालाई भोजपुर सदरमुकामसँग जोड्ने मुख्य मार्गका रूपमा सेवा दिइरहेको छ।