नयाँ सरकार गठन भएपछि काठमाडौँ उपत्यकामा जनजीवन सामान्य बनेको छ।
नागरिकहरू आफ्नो पेसा र व्यवसायमा फर्किएका छन् भने सडकमा सवारी साधनको चाप बढ्न थालेको छ।
शान्ति र सुरक्षाको अवस्था सामान्य रहेको छ।
भ्रष्टाचारविरुद्ध र सुशासन प्रवर्द्धनको नारासहित अघि बढेको जेन–जी पुस्ताको मागअनुसार पूर्वप्रधानन्यायाधीश सुशीला कार्कीको नेतृत्वमा नयाँ सरकार गठन भएको हो।
नागरिकको चाहनाअनुसार नयाँ सरकारले मुलुकमा शान्ति, सुव्यवस्था र कानुनी राज्यको अनुभव दिलाउँदै, तोकिएको समयसीमाभित्र निर्वाचन गरेर सत्ता हस्तान्तरण गर्ने सुनिश्चित गरेको छ।