काठमाडौंमा बिहानको सामान्य जीवन फर्कियो

निषेधाज्ञा खुकुलो भएपछि बिहानी ६ बजेदेखि काठमाडौंमा जनजीवन सामान्य बन्न थालेको छ।

सर्वसाधारणहरू अत्यावश्यक सामग्री किन्न बजार, किराना पसल, तरकारी र औषधि पसलहरूमा पुगेका छन्।

भद्रकालीस्थित सेनाको रिलमर्दिनी पेट्रोल पम्प पनि खुला छ, जहाँ पेट्रोल र डिजेलको लागि भिड लागिरहेको छ।

समग्रमा, दुई दिनको निषेधाज्ञापछि चहलपहल बढेको छ; केही निजी सवारी साधनहरू सडकमा गुडेका छन्।

तर सेनाको मुख्य कार्यालय जाने सडकमा भने कडाइ कायम छ।

सैन्य विज्ञप्तिअनुसार बिहान ६–१० बजे र बेलुकी ५–७ बजे मात्र आवतजावत खुला गरिएको छ, बाँकी समय निषेधाज्ञा जारी रहनेछ।

वसन्तपुर क्षेत्रमा पूर्णरूपमा सञ्चालन हुँदा चहलपहल बढी देखिएको छ, जबकि न्यूरोड क्षेत्रमा अझै बन्द रहेको छ।