नेपालमा लोकप्रिय XPENG G6

चिनियाँ विद्युतीय गाडी निर्माता XPENG ले नेपाली बजारमा पनि आफ्नो ध्यान खिच्न थालेको छ।

सन् २०२५ को जुलाई महिनामा XPENG ले अहिलेसम्मकै सबैभन्दा धेरै ३६,७१७ गाडी डेलिभरी गरेको घोषणा गरेको छ, जुन अघिल्लो वर्षको तुलनामा २२९ प्रतिशतले वृद्धि भएको हो।

यो उपलब्धि विशेष गरी Mona M03 र P7+ मोडेलको सफलताका कारण सम्भव भएको हो।

हाल नेपालमा ती मोडेलहरू उपलब्ध छैनन्, तर तिनै प्रविधि XPENG G6 मा पनि प्रयोग गरिएको छ — जुन अहिले नेपाली बजारमा XPENG को प्रमुख मोडेल बनेको छ।

स्मार्ट डिजाइन, आधुनिक प्रविधि, र आरामदायी अनुभवका कारण XPENG G6 ले सहरिया पेशेवर, परिवार, र टाढा यात्रा गर्नेहरू माझ लोकप्रियता कमाउँदैछ।

यसमा AI आधारित Tianji OS, स्मार्ट पार्किङ, सह-चालक सुविधा, र नियमित OTA अपडेट जस्ता सुविधाहरू छन्, जसले नेपाली प्रयोगकर्ताको EV प्रति धारणा नै परिवर्तन गरिरहेको छ।

XPENG ले हालसम्म ८ लाखभन्दा बढी गाडी विश्वभर डेलिभर गरिसकेको छ र ३.५३ मिलियन टन कार्बन उत्सर्जन कम गरिसकेको दाबी गरिएको छ, जसले नेपालको स्वच्छ ऊर्जा अभियान सँग पनि मेल खान्छ।

XPENG अहिले ४६ वटा देशमा प्रवेश गरिसकेको छ र इन्डोनेसियामा स्थानिय उत्पादन सुरु गर्ने तयारीमा पनि रहेकोले दीर्घकालीन रूपमा नेपाल लगायतका बजारमा यसको उपस्थितिलाई अझ बलियो बनाउने देखिन्छ।

XPENG G6 अहिले नेपाली बजारका लागि भरोसायोग्य, स्मार्ट र वातावरणमैत्री EV को रूपमा अगाडि बढिरहेको छ।