inDrive ले “The Better Drive: Money, Mind, Manner” कार्यक्रम आयोजना गर्यो
inDrive ले आफ्ना चालक साथीहरूलाई सशक्त बनाउने उद्देश्यले “The Better Drive” कार्यक्रम सम्पन्न गरेको छ।
यो कार्यक्रमले वित्तीय साक्षरता, सडक सुरक्षाका नियम, मानसिक स्वास्थ्य र उत्कृष्ट ग्राहक सेवा जस्ता महत्वपूर्ण विषयमा जानकारी दिएको थियो।
सडक सुरक्षाको बारेमा ट्राफिक प्रहरीले सिकाएका थिए भने, IME Pay का प्रमुख वृद्धि अधिकृत संजीव न्यौपानेले चालकहरूलाई स्मार्ट तरिकाले पैसा व्यवस्थापन गर्न सिकाए।
मानसिक स्वास्थ्यको महत्त्वबारे Happy Minds की संस्थापक श्रीया गिरीले चर्चा गरिन्। प्रेरक वक्ता रञ्जित आचार्यले उत्कृष्ट ग्राहक सेवा कसरी दिने भन्नेबारे सिकाए।
inDrive का क्षेत्रीय निर्देशक मार्क टल्लीले भने, “हामी टेक्नोलोजी मात्रै होइन, चालकहरूको समग्र उन्नतिमा विश्वास गर्छौं।”
inDrive ले आफ्ना चालकहरूको प्रतिबद्धता र परिश्रमको कदर गर्दै नेपालमा उत्तरदायी र सुरक्षित मोबिलिटी वातावरण बनाउन पहल जारी राखेको छ।
inDrive संसारभर ४८ देशका ८८८ शहरहरूमा सञ्चालनमा छ र २०३० सम्म एक अर्ब मानिसको जीवनमा सकारात्मक प्रभाव पार्ने लक्ष्य लिएको छ।