आगामी लायन वर्षका लागि डिष्ट्रिक्ट गभर्नरमा यामाहाका पुरानो डिलर रिसिक अटामोबाइल्सका डाईरेक्टर लायन मिलनबाबु मल्ललाई सतप्रतिशत मतसहित चयन गर्दै लायन्स इन्टरनेसनल डिष्ट्रिक्ट ३२५ जे नेपालको तेस्रो कन्भेन्सन राष्ट्रिय सभागृह काठमाडौंमा सम्पन्न भएको छ ।
कन्भेन्सनबाट इन्टरनेसनल डाइरेक्टर इन्डोर्सीमा पिडिजी लायन ध्रुब बहादुर थापा, फस्ट भाईस डिष्ट्रिक्ट गभर्नरमा लायन प्रजापती बाँस्तोला र सेकेन्ड भाईस डिष्ट्रिक्ट गभर्नरमा लायन कुश प्रसाद मल्ली निर्वाचित भए ।
पूर्व प्रधान न्यायाधिश कल्याण श्रेष्ठको प्रमुख आतिथ्यता, महानायक राजेश हमाल, इन्टरनेसनल डाइरेक्टर लायन बालकृष्ण बुर्लाकोटी, पास्ट इन्टरनेसनल डाइरेक्टर लायन सञ्जय खेतान, जिएटी एरिया लिडर लायन खगेन्द्र सिटौला र एलसिआईएफ एरिया लिडर लायन राजन लम्साल र मल्टिपल काउन्सिल चियरपर्सन लायन रमेश कुमार लामाको विशेष आतिथ्यतामा सम्पन्न कार्यक्रममा नव निर्वाचित डिष्ट्रिक्ट गभर्नर लायन मिलन बाबु मल्लले आफ्नो कार्यकालका लागि डिष्ट्रिक्ट क्याबिनेट सेक्रेटरीमा लायन पुरुषोत्तम बस्नेत, क्याबिनेट ट्रेजररमा लायन देवी गुरुङ र चिफ एडभाईजरमा लायन कृष्ण प्रसाद शर्मालाई मनोनित गरे ।
कार्यक्रमका प्रमुख अतिथि पूर्व प्रधान न्यायाधिश कल्याण श्रेष्ठले नेपालमा लायन्स क्लबले गरेका सामाजिक कार्यको चर्चा गरे । त्यस्तै विशेष अतिथि तथा मुख्य बक्ताको रुपमा उपस्थित महानायक राजेश हमालले सबैले यो धर्तीमा हामी किन छौं भन्ने कुरा मनन गरे मानव जीवनको कल्याण हुने बताए । उनले आफू सक्षम बनेर कमसेकम अर्को एक जना व्यक्तिको मुहारमा खुशी ल्याउन सबैलाई आग्रह गरे ।
हालका डिष्ट्रिक्ट गभर्नर लायन मिलन थापाले नवनिर्वाचित डिष्ट्रिक्ट गभर्नर लगायत पुरै टिमलाई बधाई दिँदै डिष्ट्रिक्ट ३२५ जे लाई सधैं सफल डिष्ट्रिक्टको रुपमा चिनाउँदै सामाजिक कार्यहरु गर्न आग्रह गरिन् । कार्यक्रममा उनले डिष्ट्रिक्टमा राम्रा कार्य गर्ने लायन्स लिडरहरुलाई प्रशंसा पत्र तथा मेडलबाट सम्मान गरिन् ।
नव निर्वाचित गभर्नर लायन मिलन बाबु मल्लले आगामी वर्षका लागि आफ्नो थिम Respect Each Other (एक अर्कालाई सम्मान गरौं) र आफ्ना मुख्य कार्यक्रमहरुको बारेमा समेत जानकारी गराए । लायन मल्लले आगामी वर्ष स्थानीय सरकारसँग मिलेर सामाजिक कार्य गर्ने र महिला शसक्तिकरणलाई प्राथमिकता दिने लक्ष्य लिएका छन् । यसबाहेक लायन्स इन्टरनेसनलले अघि सारेका सबै कार्यक्रमहरुलाई निरन्तरता दिने उनले बताए ।
साथै लायन मल्लले आगामी लायन वर्षको सिनियर को चिफ एडभाईजरहरुमा लायन अच्युत लाल श्रेष्ठ, लायन अर्जना प्रधान, लायन बिमला श्रेष्ठ, लायन बिना श्रेष्ठ, लायन नरेश कँडेल, लायन ठाकुर प्रसाद खनाल, चिफ एडमिनिष्ट्रेटरमा लायन रामराजा थापा, एम्बासडर अफ गभर्नरमा लायन पुजन राजभण्डारी शाक्य, पिआरओ इन चिफमा लायन राजु श्रेष्ठ, डिष्ट्रिक्ट सेक्रेटरियल एडभाईजरमा लायन कृष्ण बहादुर अधिकारी, डिष्ट्रिक्ट फाइनान्सियल लायन कल्पना थापा मनोनित भएका छन् ।
त्यस्तै लायन्स विथ लोकल गभरमेन्ट कार्यक्रमको बागमती प्रमुखमा लायन शोभाकान्त बस्याल, गण्डकी र धौलागिरी प्रमुखमा लायन बालकृष्ण बराल, महिला शसक्तिकरण कार्यक्रमको बागमती प्रमुखमा लायन शान्ता बस्नेत, गण्डकी र धौलागिरी प्रमुखमा चिनु कुमारी गुरुङ तथा नेपाल लायन्स फाउण्डेसनको प्रमुखमा लायन सोम प्रसाद अधिकारीलाई मनोनित भएका छन् ।
कन्भेन्सनका अवसरमा लायन्स लिडर लायन बोध बहादुर राउतक्षेत्री र सगरमाथा आरोहण गर्ने लायन्स लिडर विष्णु प्रसाद भुसाललाई सम्मान गरिएको थियो ।
डिष्ट्रिक्ट ३२५ जे नेपालका करिब ७०० भन्दा बढी लायन्स लिडरहरुको उपस्थिती रहेको कार्यक्रम लायन्स क्लब अफ काठमाडौं बनस्थलीले होस्ट गरेको कन्भेनर तथा डिष्ट्रिक्टका पिआरओ इन चिफ लायन रामराजा थापाले जानकारी दिए ।
